Chandrapur Municipal Corporation : चंद्रपूर महापालिका महापौर पदासाठी मोठ्या नाट्यमय घडामोडींचा शेवट सगळ्यांना धक्का देणारा ठरला आहे. अखेरच्या क्षणी चर्चा फिसकटली आणि भाजपने संधी साधली. त्यामुळे काँग्रेसला मोठा धक्का बसला आहे. ऐनवेळी भाजपला ठाकरे गटाने पाठिंबा दिला आहे. त्यामुळे भाजपच्या संगीता खांडेकर महापौरपदी विजयी झाल्या आहेत. चंद्रपूर महापालिकेत त्रिशंकू अवस्थेमुळे परिस्थिती वेगळी निर्माण झाली होती. सुरुवातीला काँग्रेसचा महापौर होणार असल्याचे सांगितले जात होते. पण त्यासाठी काँग्रेसला ठाकरेसेनेची साथ हवी होती. पण ऐनवेळी ठाकरेसेनेने काँग्रेसचा हात सोडून भाजपसोबत युती केली. महापौर पदावरून जोरदार रस्सीखेच झाल्याची माहिती समोर आली आहे. काँग्रेस आणि उबाठा गटात चर्चा सकारात्मक न झाल्याने उबाठाने भाजपला साथ देण्याचे ठरवले. आज सकाळीच काँग्रेस नेते विजय वडेट्टीवार आणि ठाकरे गटाचे संदीप गिऱ्हे यांची बैठक झाली होती. या बैठकीत खटके उडाल्यामुळे संदीप गिऱ्हे रागात बैठकीतून बाहेर पडले होते. त्यानंतर काहीवेळातच भाजपचे नेते किशोर जोरगेवार यांनी ठाकरेंच्या शिवसेनेने भाजपला पाठिंबा दिल्याची थेट घोषणा केली. काय ठरलं? मिळालेल्या माहितीनुसार, भाजप आणि ठाकरे गटामध्ये चंद्रूपर महापालिकेचे महापौरपद सव्वा-सव्वा वर्षांच्या प्रत्येकी दोन टर्ममध्ये वाटून घेण्याचा निर्णय घेण्यात आला आहे. तसेच ठाकरे गटाचे प्रशांत दानव हे पाच वर्षे उपमहापौर असतील. तर स्थायी समिती ही पहिल्या आणि चौथ्या वर्षासाठी ठाकरे गटाला देण्यात आली आहे. यानंतरच भाजपला ठाकरे गटाने पाठिंबा दिल्याचे जाहीर करण्यात आले. यावर भाजप नेते किशोर जोगरेवर यांनी भाजपकडे २४ नगरसवेकांचे संख्याबळ असल्याने महापौरपद ठाकरे गटाला द्यायला आमचे नेते तयार नव्हते. पण चंद्रपूरच्या विकासासाठी ठाकरे गटासोबत महापौरपदाची वाटणी करण्याचा निर्णय घेण्यात आला असल्याचे स्पष्ट केले. आमच्या पक्षाला महापौरपद मिळावे, ही आमची भूमिका होती. याबाबत काँग्रेसशी चर्चा सुरु होती. मी आज सकाळीदेखील विजय वडेट्टीवारांच्या कार्यालयात गेलो होते, महापौरपदाबाबत विनंती केली. पण ते आम्हाला पाच वर्षात कुठेही महापौर करायला तयार नव्हते, असा आरोप उबाठाचे संदीप गिऱ्हे केला. त्यामुळे विकासाला चालना देण्यासाठी आम्ही भाजपसोबत बोलणी केली, असे संदीप गिऱ्हे स्पष्टपणे सांगितले. हेही वाचा : LOKSABHA SPEAKER OM BIRLA: लोकसभेतील राड्यावरून राजकीय गोंधळ ; भाजप अन् काँग्रेसच्या महिला खासदारांचे सभापती ओम बिर्ला यांना पत्र
