नवी दिल्ली  – इस्रायल आणि पॅलेस्टाईन यांच्यात सुरू असलेल्या संघर्षामुळे आंतरराष्ट्रीय कच्च्या तेलाच्या किमती वाढत आहेत. अशा परिस्थितीत पेट्रोल आणि डिझेल महाग झाल्याची बातमी कधीही येऊ शकते. जागतिक स्तरावर, अमेरिकन क्रूड 2.93 टक्‍क्‍यांनी वाढून 85.34 अमेरिकी डॉलर्स प्रति बॅरल आणि लंडन ब्रेंट क्रूड 2.80 टक्‍क्‍यांनी वाढून 88.41 अमेरिकी डॉलर्स प्रति बॅरल झाले.

केंद्रीय मंत्री हरदीप सिंग पुरी म्हणाले की, आम्ही इंधनाची उपलब्धता, किंमत आणि साठवण क्षमता या तीन आव्हानांना सामोरे जात आहोत. आत्ता उपलब्धतेबद्दल काळजी करण्यासारखी परिस्थिती नाही.

भारत 27 देशांऐवजी 39 देशांकडून कच्चे तेल आयात करत आहे. अशा स्थितीत एका भागात समस्या आल्यास दुसऱ्या भागातून तेल मिळू शकते. परवडण्याचा प्रश्न उपलब्धतेशी संबंधित आहे. अशा स्थितीत बाजारात उपलब्ध तेलाचे प्रमाण अचानक कमी झाल्यास किमती वाढू शकतात. किमतीच्या स्थिरतेमुळे हरित ऊर्जा सतत वाढत आहे.