Israel-Hamas War :  एकीकडे जगभरात ख्रिसमसचा सण उत्साहात साजरा केला जात आहे, तर दुसरीकडे इस्रायल आणि हमास यांच्यातील युद्ध सुरूच आहे.  इस्रायलने ख्रिसमसच्या दिवशी गाझावर मोठा हवाई हल्ला केला. इस्रायलने ख्रिसमसच्या पूर्वसंध्येपासून आज सकाळपर्यंत गाझावर बॉम्बचा वर्षाव केली. या हल्ल्यात जवळपास 70 जणांचा मृत्यू झाल्याची बातमी आहे. गाझामध्ये 70 लोकांच्या मृत्यूनंतर परिस्थिती खूपच वाईट आहे. लोक आपल्या प्रियजनांचे मृतदेह घेऊन बेभानपणे धावताना दिसत आहेत.

एका वृत्तसंस्थेने दिलेल्या माहितीनुसार, पॅलेस्टिनी आरोग्य मंत्रालयाच्या प्रवक्त्याने इस्रायलच्या या हल्ल्याचे वर्णन ‘नरसंहार’ असे केले आहे. अल-मगाझी निर्वासित कॅम्पवर हा हल्ला करण्यात आला आहे.

فلسطينيون ينقلون الشهداء والجرحى عبر عربات خشبية لعدم توفر سيارات إسعاف في مخيم المغازي وسط قطاع غزة#حرب_غزة #فيديو pic.twitter.com/cD9UwX02AY

— الجزيرة فلسطين (@AJA_Palestine) December 24, 2023

इस्रायली हल्ल्याबाबत फ्रीडम थिएटरने सांगितले की, व्याप्त वेस्ट बँकमधील जेनिन निर्वासित शिबिरावर इस्रायली हल्ला झाला आहे. “ख्रिसमसच्या दिवसाची सुरुवात जेनिन निर्वासित शिबिरावर आणखी एका हल्ल्याने होते,” जेनिन-आधारित थिएटर कंपनीने X (पूर्वीचे ट्विटर) वर एका पोस्टमध्ये लिहिले. फ्रीडम थिएटरचे निर्माते मुस्तफा शेटा यांना 13 डिसेंबर रोजी इस्रायली सैन्याने अटक केली होती. तेव्हापासून तो कोठडीत आहे.

Christmas Day begins with another attack on Jenin Refugee Camp, as the Israeli army lights up the sky with Flare bombs.

25.12.23#Mayday Created by @freedom_theatre & @artistfrontline #Jenin #JeninUnderAttack #Palestine #Theatre #جنين pic.twitter.com/u44NnedJUg

— The Freedom Theatre (@freedom_theatre) December 25, 2023

या संपूर्ण घटनेवर इस्रायली लष्कराने एक निवेदनही जारी केले आहे. या घटनेचा आढावा घेत असल्याचे इस्रायली लष्कराने म्हटले आहे की, “आम्हाला हमासला लक्ष्य करायचे आहे, नागरिकांना नाही.”

7 ऑक्टोबर रोजी हमासने इस्रायलवर पहिला हल्ला केला होता. त्यानंतर इस्रायलने हमालविरुद्ध युद्ध सुरू केले. हमासच्या हल्ल्यात 1200 हून अधिक लोक मारले गेले. एवढेच नाही तर यानंतर हमासने २४० लोकांना ओलीस ठेवले असले तरी यापैकी १४० इस्रायली नागरिकांना युद्धबंदीच्या अटीवर सोडण्यात आले. दुसरीकडे इस्रायलच्या हल्ल्यातही हजारो लोकांचा मृत्यू झाला आहे. गाझा अधिकाऱ्यांच्या म्हणण्यानुसार, आतापर्यंत 20,400 हून अधिक लोकांचा मृत्यू झाल्याची पुष्टी झाली आहे.