Taapsee Pannu :  अभिनेत्री तापसी पन्नू तिच्या स्पष्ट वक्तव्यामुळे नेहमीच चर्चेत असते. नुकतेच तिने एका चित्रपटातून तिला काढून टाकण्यात आले होते, त्याबाबतचा अनुभव सांगितला आहे. ‘एका चित्रपटातून मला एका अभिनेत्याच्या पत्नीला मी आवडत नसल्यामुळे सिनेमातून रिप्लेस करण्यात आलं होतं,’ असा दावा तापसीने केला.

एका मुलाखतीत तापसी पन्नूने सांगितले की, “सिनेमाच्या लीड हिरोने मला रिप्लेस करण्यास सांगितलं असल्याचे मला सांगण्यात आलेलं होते. मी अनेकदा यामागच्या कारणांचा अंदाज लावण्याचा प्रयत्न केला. कदाचित त्यांना असुरक्षित वाटत असेल किंवा त्यांना त्यांच्या जवळच्या व्यक्तीला सिनेमात घ्यायचं असेल. कारणं अनेक असू शकतात. पण मला कधीही ठोस कारण सांगण्यात आलं नाही.” असे ती म्हणाली.

जेव्हा तिने वारंवार सिनेमातून बाहेर काढण्याचं कारण विचारल्यानंतर तिला केवळ एवढंच उत्तर मिळालं की, “हिरोला तुम्ही या सिनेमाचा भाग असावं असं वाटत नाही. कारण हिरोच्या पत्नीला तुम्ही आवडत नाही, असं मला सांगण्यात आलं. आजपर्यंत मला समजलेलं नाही की त्यांना माझ्याशी नेमकी काय अडचण होती.”

मात्र, तापसीने या मुलाखतीत संबंधित अभिनेत्याचं किंवा त्याच्या पत्नीचं नाव उघड केलेलं नाही. दरम्यान, तापसीने दाक्षिणात्य चित्रपटसृष्टीतील तामिळ, तेलगू, मल्याळम भाषांतील अनेक चित्रपटांमध्ये काम केलं आहे.

हेही वाचा:

Pankaja Munde: “सरकार शेतकऱ्यांच्या पाठीशी खंबीरपणे उभं राहणार” ; पंकजा मुंडे यांचं आश्वासन