Madhuri Dixit : बॉलिवूडची ‘धकधक गर्ल’ माधुरी दीक्षित सध्या ‘कोण होणार करोडपती’ या कार्यक्रमामुळे चर्चेत आहे. या कार्यक्रमाच्या माध्यमातून माधुरी पहिल्यांदाच सूत्रसंचालनाची जबाबदारी सांभाळताना दिसणार आहे.

येत्या १२ ऑक्टोबरपासून हा कार्यक्रम प्रेक्षकांच्या भेटीला येणार असल्याचे सांगितले जात आहे. कार्यक्रमाच्या पहिल्या भागात अभिनेत्री सोनाली बेंद्रे सहभागी झाली. दरम्यान, माधुरी आणि सोनाली यांचा एक व्हिडिओ समोर आला असून, त्यामध्ये माधुरीने दिग्दर्शसोबत शूटिंगदरम्यान घडलेला एक मजेशीर किस्सा सांगितला आहे. हा किस्सा ऐकताच सोनालीला हसू आवरता आले नाही.

‘तो दिग्दर्शक खूप हाय व्होल्टेज होता’; माधुरीने सांगितला अनुभव

माधुरी दीक्षितने आपल्या कारकिर्दीत अनेक दिग्गज दिग्दर्शकांसोबत काम केले आहे. मात्र, एका चित्रपटाच्या शूटिंगदरम्यान आलेला वेगळाच अनुभव तिने सोनालीसोबतच्या गप्पांमध्ये सांगितला. माधुरी म्हणाली की, एका चित्रपटाच्या शूटिंगवेळी तिला थोडा त्रास झाला होता, कारण त्या चित्रपटाचे दिग्दर्शक स्वभावाने खूप ‘हाय व्होल्टेज’ होते.

माधुरीचे हे बोलणे ऐकल्यानंतर सोनाली बेंद्रेला नेमका तो दिग्दर्शक कोण होता, हे जाणून घेण्याची उत्सुकता निर्माण झाली. तिने माधुरीला थेट दिग्दर्शकाचे नाव विचारले. मात्र, माधुरीने त्याचे नाव सांगण्याचे टाळले.

शॉट सुरू असताना दिग्दर्शकच लागले रडायला!

यानंतर माधुरीने शूटिंगदरम्यान घडलेला एक भन्नाट प्रसंग सांगितला. ती म्हणाली, “मी एका सीनचे शूटिंग करत होते. तो ट्रॉली शॉट होता. सीनमध्ये मी ‘असं का केलंस तू?’ वगैरे संवाद म्हणत होते. तेवढ्यात अचानक मला कोणीतरी रडत असल्याचा आवाज आला.”

आवाज कुठून येत आहे, हे पाहण्यासाठी माधुरीने आजूबाजूला पाहिले. तेव्हा तिला जे दिसले, त्याने तीही आश्चर्यचकित झाली. चक्क त्या चित्रपटाचे दिग्दर्शक ट्रॉलीवर बसून रडत होते! माधुरीने हा प्रसंग सांगताच सोनाली बेंद्रेला हसू आवरता आले नाही. दोघींमधील या गप्पांचा व्हिडिओ सध्या चर्चेचा विषय ठरत आहे.

‘कोण होणार करोडपती’मधून माधुरीची छोट्या पडद्यावर नवी भूमिका

माधुरी दीक्षित पहिल्यांदाच ‘कोण होणार करोडपती’ या कार्यक्रमाचे सूत्रसंचालन करणार असल्याने तिच्या चाहत्यांमध्ये उत्सुकता आहे. या कार्यक्रमाच्या पहिल्या भागात सोनाली बेंद्रेसोबत तिच्या गप्पा, मजेशीर किस्से आणि मनोरंजक प्रसंग पाहायला मिळणार आहेत.

‘झोपेत उठवून माझं अपहरण केलं ‘: सुटकेनंतर ध्रुव राठीचा पहिला व्हिडिओ प्रसिद्ध, केले धक्कादायक खुलासे