Sujay Vikhe Vs Nilesh Lanke | अहिल्यानगर येथील जिल्हा शासकीय रुग्णालयात अत्याधुनिक ‘कार्डियाक कॅथलॅब’चे उद्घाटन माजी खासदार सुजय विखे पाटील यांच्या हस्ते करण्यात आले. यावेळी आमदार संग्राम जगताप यांची देखील प्रमुख उपस्थिती होती. डॉ. विखे यांनी “मागच्या एका वर्षात मी केलेल्या कामाच्या दोन टक्के कामही सध्याचे लोकप्रतिनिधी करू शकले नाहीत,” असे म्हणत नाव न घेता खासदार निलेश लंके यांच्यावर अप्रत्यक्ष निशाणा साधला. माजी खासदार सुजय विखे म्हणाले, “माझा पराभव झाला असला तरी, पराभवानंतरच्या या दोन वर्षांच्या काळात मी अहिल्यानगर शहरात अनेक मोठे विकास प्रकल्प उभे केले. यात निवडणुकीपूर्वी महाराष्ट्रातील महापालिकेच्या दर्जाचे अद्ययावत ‘एमआरआय सेंटर’ सुरू केले. त्याचबरोबर, दोन वर्षांत ‘आयुष’ इमारतीची उभारणी, जिल्हा रुग्णालयात अद्ययावत ‘आयसीयू’ची स्थापना केली आणि आता 18 कोटी रुपये खर्चून ‘कॅथलॅब’ उभारण्याचे काम पूर्ण झाले आहे.” पुढे ते म्हणाले, “आमचे सर्वात मोठे दुर्भाग्य हे की आम्ही केलेल्या कामाची जाहिरात कधी केली नाही. जे दाखवलं जातं त्यावर विश्वास ठेवू नका, माणूस ओळखायला शिका. योग्य माणूस ओळखायला शिकलात, तर पुढच्या 25 वर्षांसाठी तुमच्या मुलांचं भविष्य सुरक्षित होईल,” असे आवाहनही विखे यांनी जनतेला केले. यावेळी सुजय विखे यांनी आमदार संग्राम जगताप यांच्यासह पुढील सहा महिन्यांमध्ये 500 एकर जागेत एमआयडीसी उभी करण्याची घोषणा केली. तसेच ‘आगामी काही दिवसांत आम्ही दहा कोटी रुपयांच्या खर्चाने महिला प्रशिक्षण केंद्र उभारणार आहोत. या केंद्रात शहरी आणि ग्रामीण महिलांना बचत गटांमार्फत रोजगार प्रशिक्षण दिलं जाईल, जेणेकरून त्या स्वावलंबी बनतील,’ असेही त्यांनी सांगितले. 2 टक्के काम देखील सध्याच्या लोकप्रतिनिधींनी केले नाही विखे यांनी स्पष्ट केले की, “मी पराभूत झालो तरी खचलो नाही, कारण जनतेला काही लोकांच्या भरोशावर सोडणे योग्य नाही. आपण थांबलो तर जनतेकडे कोण पाहणार? आम्ही जनतेच्या सेवेसाठी काम करतच राहणार. मी एका वर्षाच्या काळात जेवढी विकासकामे केली, त्या कामांच्या 2 टक्के काम देखील जनतेने निवडून दिलेल्या लोकप्रतिनिधींनी (खासदार निलेश लंके) केले नाही,” असे म्हणत त्यांनी नाव न घेता खासदार लंके यांच्यावर जोरदार निशाणा साधला. Sujay Vikhe Vs Nilesh Lanke | यावेळी त्यांनी विरोधकांवर निशाणा साधत म्हंटले की, “पुढील तीन महिन्यांमध्ये हॉस्पिटलमध्ये दोन प्रकारचे रुग्ण वाढणार आहेत. एक म्हणजे, ज्यांनी दिवाळीमध्ये फराळ वाटप करूनही तिकीट मिळणार नाही, असे लोक. दुसरे म्हणजे, तिकीट मिळाल्यानंतर निवडून येण्याची कोणतीही आशा नसताना अचानक निवडून आलेले लोक. अशा दोन प्रकारच्या रुग्णांची योग्य सुविधा आणि मोफत उपचार व्हावेत यासाठी अहिल्यानगर महानगरपालिकेतील सर्व उमेदवारांसाठी ही सुविधा करण्यात आली,” असाही टोला त्यांनी लगावला. Sujay Vikhe Vs Nilesh Lanke | हेही वाचा: ब्रिटनमध्ये चालत्या ट्रेनमध्ये गोंधळ! १० जणांवर अज्ञाताकडून चाकूने हल्ला, २ संशयितांना अटक
