Tukaram Mundhe : अन्न आणि औषध प्रशासन विभागाचे आयुक्त तुकाराम मुंढे सध्या राज्यभरात त्यांच्या कामामुळे चर्चेत आहेत. या विभागाचे काम हाती घेताच त्यांचे कारवाईचे सत्र सुरू झाले आहे. त्यांच्या या कार्यपद्धतीचे कौतुक सोशल मीडियावरही मोठ्या प्रमाणात केले जात आहे.

परंतु प्रामाणिकपणे आणि नियमांनुसार काम करुनही तुकाराम मुंढे यांना सातत्याने बदलीचा त्रास सहन करावा लागला. मात्र आता तुकाराम मुंढे यांची सध्याच्या विभागातून बदली किंवा हकालपट्टी केली जाऊ नये, अशी विनंती अभिनेता परेश रावल यांनी महाराष्ट्राचे मुख्यमंत्री देवेंद्र फडणवीस यांच्याकडे केली आहे.

परेश रावल यांनी एक्स (ट्विटर) अकाऊंटवर फडणवीसांना टॅग करत, मुंढे यांचं संरक्षण करणं आणि त्यांना त्यांच्या विभागात काम करत राहण्याची परवानगी देणं हे मुख्यमंत्र्यांचं प्राधान्य आणि धर्म असलं पाहिजे, असे पोस्टमध्ये लिहिले आहे. Tukaram Mundhe

To put it with humility and respect that it should the priority and Dharm of Honourable CM @Dev_Fadnavis ji to protect Shri @Tukaram_IndIAS that he should not be xfered or shunted out of his department.
🙏🙏🙏

— Paresh Rawal (@SirPareshRawal) August 9, 2026

परेश रावल यांची सविस्तर पोस्ट-
परेश रावल यांनी लिहिले की, “विनम्रतेने आणि आदराने सांगायचे झाल्यास, माननीय मुख्यमंत्री देवेंद्र फडणवीस यांचे हे प्राधान्य आणि धर्म असायला हवा की, त्यांनी तुकाराम मुंढे यांचं संरक्षण करावं…जेणेकरून त्यांची या विभागातून बदली केली जाणार नाही किंवा त्यांना हटवले जाणार नाही.” या पोस्टद्वारे परेश रावल यांनी खंबीर प्रशासकीय भूमिकेसाठी आणि आव्हानात्मक प्रश्न हाती घेण्यासाठी ओळखल्या जाणाऱ्या मुंढेंना पाठिंबा दर्शविला आहे.

तुकाराम मुंढे यांचे धाडसी पाऊल 

मे २०२६ मध्ये एफडीएचे आयुक्त झाल्यापासून तुकाराम मुंढे यांनी अनेक धाडसी पावलं उचलली आहेत. मोठमोठ्या रेस्टॉरंट्स, हॉटेल्सपासून उच्च न्यायालयाच्या कँटीनपर्यंत त्यांनी छापेमारी करत कारवाया केल्या आहेत. दुधातील भेसळीबद्दलही त्यांनी धक्कादायक वास्तव सर्वांसमोर आणलं आहे. त्याचप्रमाणे अॅनालॉग पनीरवरही त्यांनी वर्षभरासाठी महाराष्ट्रात बंदी घातली आहे. Tukaram Mundhe

मुंबईतील अनेक प्रसिद्ध आणि बड्या हॉटेल्ससह थेट उच्च न्यायालयाच्या कँटीनमध्येही स्वच्छता नियमांचं उल्लंघन झाल्याचं पकडत त्यांनी कडक कारवाई केली. शाळांच्या ५० मीटरच्या परिसरात जंक फूडच्या विक्रीवर आणि जाहिरातींवर बंदी घालण्याचा निर्णय त्यांनी घेतला आहे. केवळ काही महिन्याच्या कालावधीतच कोट्यवधी रुपयांचा निकृष्ट अन्नसाठा, भेसळयुक्त दूध, पनीर आणि बेकायदेशीर गुटखा मुंढेंच्या नेतृत्वाखाली एफडीएनं जप्त केला आहे.

हेही वाचा: 

Kon Honar Crorepati: ‘कोण होणार करोडपती’ शो बॉलीवूडची सुपरस्टार अभिनेत्री करणार होस्ट?