Sargun Mehta : नितेश तिवारी दिग्दर्शित ‘रामायण’ चित्रपटाची सध्या सर्वत्र चर्चा सुरू आहे. या चित्रपटात टेलिव्हिजन अभिनेता रवी दुबे याने लक्ष्मणाची महत्त्वपूर्ण भूमिका साकारली आहे. त्याच्या अभिनयाचे आणि लूकचे प्रेक्षकांकडून विशेष कौतुक होत आहे. अशातच रवी दुबेची पत्नी आणि अभिनेत्री सरगुन मेहता हिने सोशल मीडियावर एक खास पोस्ट शेअर केली आहे. पतीच्या २१ वर्षांच्या संघर्षाला उजाळा देत आपली भावना व्यक्ती केली आहे.

सरगुन मेहताने इन्स्टाग्रामवर रवी दुबेचे ‘रामायण’ चित्रपटातील लक्ष्मणाच्या भूमिकेतील काही खास फोटो शेअर केले आहेत. दृढनिश्चय आणि जिद्दीपेक्षा मोठी ताकद दुसरी कोणतीही नाही. मनात जिद्द कायम असेल, तर कोणतेही ध्येय अशक्य राहत नाही, हेच तू सिद्ध करून दाखवले आहे. २१ वर्षांची प्रतीक्षा, संघर्ष, चढ-उतार, नकार आणि अनेकांचे टोमणे या सगळ्यांवर मात करत आज तू मेहनतीच्या जोरावर यश मिळवले आहे, असे तिने पोस्टमध्ये लिहिले आहे.

 

View this post on Instagram

 

A post shared by Sarggun mehta (@sargunmehta)

आज मी कोणालाही भेटले किंवा सोशल मीडियावर काहीही पाहिले, तरी तुझा विजय माझाच असल्यासारखा वाटतो. तुझ्या यशामुळे आशा निर्माण होते आणि शेवटी चांगुलपणाचाच विजय होतो, याची खात्री पटते.

‘माझा माणूस माझा देव आहे‘; सरगुनची खास पोस्ट चर्चेत

या पोस्टमध्ये सरगुनने पती रवी दुबेवरील प्रेम आणि अभिमानही व्यक्त केला आहे. ती म्हणाली, आज माझे मन आनंदाने भरून आले आहे. मी नेहमी म्हणायचे की, ‘माझा माणूस माझा देव आहे.’ आता प्रत्येकजण हेच म्हणेल. मला तुझा नेहमीच अभिमान वाटत आला आहे, पण आज मी तुझी सर्वात मोठी चाहतीदेखील आहे.

तू माझा प्रकाश आहेस. तू आणखी तेजाने चमकत राहा आणि इतरांपेक्षाही अधिक उजळून निघ, अशा शब्दांत तिने रवीचे तोंडभरून कौतुक केले. तसेच माझ्या आयुष्यातील ही सर्वात सुंदर दिवाळी बनवल्याबद्दल धन्यवाद, असे म्हणत तिने पोस्टचा शेवट केला.

Madhuri Dixit : डोक्यावर ग्लास अन्… ‘जमाल कुडू’वर माधुरी दीक्षितने धरला ठेक; व्हिडिओ व्हायरल