दाक्षिणात्य सुपरस्टार अर्थात थलपती विजय याची राजकारणातील एन्ट्री तामिळनाडूचे मुख्यमंत्री एम के स्टॅलिन यांच्यासाठी धोक्याची घंटा असल्याची चर्चा रंगू लागली आहे. आताच्या घडीला या राज्यात डीमके अर्थात द्रवेड मुन्नेत्र कळघम या पक्षाची सत्ता आहे. ७० च्या दशकापासून तामिळानाडूत प्रादेशिक पक्षांची सत्ता राहिलेली आहे. साऊथमधील कलाकारांनी राजकाणात एन्ट्री केली आणि अनेकांनी यशही मिळाले. पण काहींच्या पदरी निराशा पडली. मागच्या वर्षी अॅाक्टोबर महिन्यात थलपती विजयने द्राविडियन राजकारणात धमाकेदार एन्ट्री करत नव्या पक्षाची स्थापना केली. त्याने आयोजित केलेल्या भव्य सभेला तब्बल ३ लाखांच्यावर लोक आले असल्याचे सांगितले जाते. तर दुसरीकडे भाजपने अद्यापर्यंत आपल्या राष्ट्रीय अध्यक्षाच्या नावाची घोषणा केलेली नाही. कदाचित या भागातून म्हणजेच साऊथमधून राष्ट्रीय अध्यक्ष पदाची वर्णी लागू शकते. यामुळे थलपती विजय त्याचा पक्ष टीव्हीके, मुख्यमंत्री स्टॅलिन डीएमके पक्ष, त्रिभाषिक वाद, आदी गोष्टींवर सविस्तर माहिती जाणून घेऊयात… सत्तेत डीएमके पुढच्या वर्षी म्हणजेच २०२६ मध्ये तामिळनाडू राज्यात विधानसभेच्या निवडणुका होऊ घातल्या आहेत. तत्पूर्वी डीमएके आणि टीव्हीके दोन्ही पक्षांनी मोर्चेबांधणीला सुरूवात केली आहे. टीव्हीके सत्ताधारी द्रमुक नेतृत्वासमोर निवडणुकीत मोठे आव्हान उभे करू शकतो असे बोलले जात आहे. डीएमके( मुख्यमंत्री एमके स्टॅलिन) आणि एआयडीएमके (मा. मुख्यमंत्री पलायनस्वामी), तर टीव्हीके (विजय) अशी रचान पक्षांची आहे. मुळात जयललीता यांच्या निधानंतर तामिळानाडूत एमके स्टॅलिन यांच्या नावाचा उद्य झाला असे म्हटले तर वावगे वाटू नये. तामिळनाडू विधानसभेची रचना पाहिता २३४ विधानसभा मतदार संघ या राज्यात येतात. यापैकी १५७ जागेवर डीएमकेचे आमदार आहेत. एआयडीएमकेच्या जागेवर ७५ आमदार आहेत. तर अपक्ष २ आमदार आहेत. स्थानिक मुद्दे हिंदीविरोधी परंपरा : द्रमुक सुरुवातीपासूनच हिंदीला ‘लादलेली भाषा’ म्हणत विरोध दर्शवित आलेला आहे, ज्यामुळे ती उत्तर भारतीय राजकारणाशी संघर्षात आहे. नुकतेच केंद्र सरकारने जाहीर केलेल्या हिंदी भाषेच्या निर्णयाला मुख्यमंत्री एमके स्टॅलिन यांनी विरोध दर्शविला आहे. तसेच राज्यात इंग्रजी आणि तेलगू या दोनच भाषा असल्याचे त्यांनी सांगितले आहे. भाजप आणि द्रमुक यांच्यात संघर्ष: दक्षिण भारतात, विशेषत: तामिळनाडूमध्ये भाजपला मजबूत पाठिंबा नाही. डीएमके त्याला ‘उत्तर भारतीय पक्षांचा हस्तक्षेप’ म्हणत प्रादेशिक अस्मितेचा मुद्दा बनवत आहे. नवी राजकीय रणनीती: जेव्हा नवीन विरोधी पक्षनेता उदयास येतो, तेव्हा उत्तर-दक्षिण विभाजनाचा मुद्दा उपस्थित करून जनतेचे लक्ष दुसरीकडे वळविण्याचा प्रयत्न केला जातो. थलपती विजयचा एवढा बोलबोला का? ५० वर्षांच्या थलपती विजय याचा जगभरात मोठा चाहता वर्ग आहे. त्याची तामिळनाडूच्या राजकारणात एन्ट्री ही प्रस्थापित राजकीय पक्ष द्रमुक आणि अण्णाद्रमुक पक्षाला विचार करायला लावणारी ठरणार आहे. विजयच्या चाहत्यांमध्ये तरुणाईची संख्या मोठ्या प्रमाणावर आहे. थलपती विजय याची राजकीय एन्ट्री मतदारांसाठी एक नवा पर्याय आहे, असे त्याचे चाहते मानतात. सध्या तामिळनाडूच्या राजकारणात प्रस्थापित द्रमुक आणि अण्णाद्रमुक पक्षांचा बोलबाला आहे. टीव्हीके म्हणजे तमिलगा विट्री कजगम असे त्याचा पक्षाचे नाव आहे. १० वर्षांपासूनची मेहनत विजय थलपती याची राजकारणातील एन्ट्री अचानक झालेली नाही. त्यासाठी त्याला गेल्या १० वर्षांपासून प्रचंड मेहनत घ्यावी लागली आहे. आपल्या फॅन ग्रुपच्या माध्यमातून विजय गरजूंना मदत करत असतो. या फॅन क्लबचे नाव ‘विजय मक्कल इयेक्कम’ असे ठेवण्यात आले आहे. तामिळ भाषेत या शब्दाचा अर्थ मक्कल म्हणजे लोक असा होतो. “माझा चाहतावर्ग हा केवळ चित्रपटांचा चाहता नाही तर तो जनतेचेही प्रतिनिधित्व करणारा वर्ग आहे,” असे संदेश देण्याचा विजय नेहमी प्रयत्न करत आलेला आहे. उपमुख्यमंत्री उदयनिधी VS थलपती विजय तामिळनाडूच्या राज्यात प्रकर्षाने वंशवाद दिसून येतो. याचे ताजे उदाहरण म्हणजे राज्याचे मुख्यमंत्री एम के स्टॅलिन आणि उपमुख्यमंत्री म्हणून त्यांचाच पुत्र उदयनिधी आहेत. डीएमके पक्षावर अनेक भष्ट्राचाराचे आरोप करण्यात आलेले आहे. मात्र, पक्षाने आपली नाळ स्थानिक मतदारांशी कायम जोडून ठेवली आहे. त्यामुळे डीएमके पक्षाला माननारा मोठा वर्ग येथे आहे. यामुळे या राज्यात डीएमके किंवा एआयडीएमके पक्षाची सत्ता आलटून पालटून आली आहे. सध्याची इथली राजकीय परिस्थिती पाहता मुख्यमंत्री स्टॅलिन यांनी आपला पुढचा उत्तराधिकारी म्हणून उदयनिधी याच्या नावाची निवड केली असून त्या दृष्टीने इथले राजकारण ते करू पाहत आहेत. तर दुसरीकडे थलपती विजय याच्याकडे कोणतीही राजकीय पार्श्वभूमी नाही. पण तरी देखील सिनेमा इंडस्ट्रीत काम केल्यामुळे मोठा चाहतावर्ग त्याचा राज्यात आहे. विशेषकरून विजयला तरुण वर्गाचा मोठा पाठिंबा आहे. थोडक्यात २०२६ ची विधानसभेची निवडणूक उदयनिधी विरुद्ध विजय अशीच होणार असल्याचे दिसते. या अभिनेत्यांनी राजकाणात केली होती एन्ट्री पण… तामिळ इंडस्ट्रीतील अनेक कलाकारांनी राजकारणात एन्ट्री घेतली होती. यातील प्रमुख नाव म्हणजे ज्येष्ठ अभिनेते कमल हासन यांचे. मात्र, त्यांना राजकारणात यश मिळाले नाही. त्याच्याअगोदर दाक्षिणात्य इंडस्ट्रीतील सुपरस्टार रजनीकांत यांनी देखील विधानसभा निवडणुकीपूर्वी पक्षाची घोषणा करणार असून राजकारणात एट्री करणार असे जाहीर केले. मात्र, त्यांनी विधानसभा निवडणुकीपूर्वीच राजकारणाला रामराम केला. आता अभिनेता विजय हा तामिळनाडूच्या राजकारणात अग्रेसर होणार असल्याचे दिसत आहे. ग्राऊंड होल्ड मजबूत करण्याचा प्रयन्न विजयने आपल्या रॅलीत भाजपला “वैचारिक प्रतिस्पर्धी” देखील म्हटले आहे, परंतु सनातनच्या निषेधासारख्या वादांपासून दूर राहून त्यांनी द्रमुकपासून वेगळी भूमिका घेतली आहे. विजयने आपल्या पक्षाची भूमिका ही वंशवादाविरोधी असल्याचे सांगितले आहे. यामुळे तामिळनाडू राज्यात पुढच्या वर्षी होऊ घातलेल्या विधानसभेच्या निवडणुकीत काय होणार हे पाहणे महत्वाचे असणार आहे. मात्र, आतापासून राज्यात विधानसभेच्या निवडणुकीची जोरदार तयारी करण्यात येत आहे. पक्षांकडून ग्राऊंड होल्ड मजबूत करण्याचे प्रयत्न सुरू आहेत. सीमांकनामुळे लोकसभेच्या जागा वाढणार? सीमांकन म्हणजे लोकसभा किंवा विधानसभा जागेच्या सीमा निश्चित करण्याची प्रक्रिया. सीमांकनासाठी एका आयोगाची स्थापन केली जाते. यापूर्वी १९५२, १९६३, १९७३ आणि २००२ मध्येही आयोग स्थापन करण्यात आले आहेत. लोकसभेच्या जागांसाठी सीमांकन प्रक्रिया २०२६ पासून सुरू होईल. अशा परिस्थितीत २०२९ च्या लोकसभा निवडणुकीत जागा वाढण्याची शक्यता आहे. दक्षिणेकडील राज्यांनी लोकसंख्येवर आधारित सीमांकनाला विरोध केला आहे. म्हणून सरकार प्रमाणबद्ध सीमांकनाकडे वाटचाल करेल, ज्यामध्ये लोकसंख्या संतुलन राखण्यासाठी एक चौकट तयार केली जात आहे.
