Salman Khan : बॉलिवूडचा सुपरस्टार सलमान खानच्या ‘बिग बॉस 20’मधील विकेंड का वारची सध्या चांगलीच चर्चा रंगली आहे. नुकतेच प्रदर्शित झालेल्या एपिसोड दरम्यान, त्याला अचानक छातीत दुखू लागल्याने चाहते आणि स्पर्धक चिंतेत पडले होते. त्याने सेटवर डॉक्टरांना बोलावण्यास सांगितले, त्याच्या या अवस्थेमुळे सर्वांचीच चिंता वाढली होती. आता सलमानने स्वत: आपल्या प्रकृतीबाबत माहिती दिली आहे.

सलमानने पोस्ट करत लिहिले की, “देवाच्या कृपेने, माझ्या प्रकृतीबाबत कोणतीही समस्या नाही. ‘बिग बॉस 20’चा प्रोमो या पद्धतीने एडिट करायला नको हवा होता. अशा प्रकारे एडिट केल्याने त्याचा संपूर्ण अर्थ बदलतो. मी तेच केले आहे, जे काझी तौकीरने घरात केले होते. त्या वेदना दाखवण्यामागचा उद्देश केवळ काझीला समजावून सांगण्याइतकाच होता.

काझीने जे केले म्हणजेच मनोरंजनासाठी आपल्या आरोग्याचा वापर करणे ते चुकीचे होते, हे त्याला दाखवून देणे हाच माझा एकमेव उद्देश होता. कारण घरातील इतर 15 सदस्यांना तो केवळ अभिनय करत आहे याची कल्पना नव्हती आणि ते त्याच्या प्रकृतीबद्दल खरोखरच चिंतेत होते. प्रोमो ज्या प्रकारे एडिट केला गेला, त्याबद्दल मी माफी मागतो,” असं सलमान खानने आपल्या पोस्टद्वारे स्पष्ट केलं.

यासोबतच, सलमानने बिग बॉसचे आभार मानणारी आणखी एक पोस्ट शेअर केली. या पोस्टमध्ये सलमान खानने लिहिले, “बिग बॉसने परिस्थिती सावरली. धन्यवाद, बिग बॉस.” आता यावरुन हे स्पष्ट झाले आहे की सलमान खान पूर्णपणे ठीक आहे. काझीला धडा शिकवण्यासाठी आणित्याला परिस्थितीची जाणीव करून देण्यासाठी त्याने केवळ आजारी असल्याचे नाटक केले होते.

याशिवाय ‘बिग बॉस 20’च्या विकेंड का वारमध्ये सलमान खानने ट्रोलर्सना फटकारलं. यावेळी त्याने संतापून आपला शर्ट काढला आणि जे ट्रोलर्स त्याच्या वयावरुन टीका करतात त्यांना अभिनेत्याने भरकार्यक्रमात सडेतोड उत्तर दिलं. तसेच सलमान खानने अभिनेत्री कतरिना कैफला तिच्या प्रेग्नंसी नंतरच्या लूकवरुन ट्रोल करणाऱ्यांनाही खडेबोल सुनावले.

हेही वाचा: 

India vs West Indies 2026 : भारताविरुद्धच्या मालिकेसाठी वेस्ट इंडिजचा संघ जाहीर! हेटमायरचे कमबॅक, नव्या चेहऱ्याला संधी