Tejashwi Yadav vs Pappu Yadav। काही दिवसापूर्वी ‘बिहार बंद‘ दरम्यान झालेल्या कथित अपमानानंतर बिहारच्या पूर्णिया लोकसभा मतदारसंघाचे अपक्ष खासदार पप्पू यादव यांनी दिलेल्या विधानाचा थेट परिणाम राजद नेते आणि विधानसभेतील विरोधी पक्षनेते तेजस्वी यादव यांच्यावर असल्याचे सांगण्यात येत आहे. पप्पू यादव हे काँग्रेसचे सदस्य आहेत. मात्र, त्यांनी पक्षाच्या इच्छेविरुद्ध जाऊन पूर्णियामधून निवडणूक लढवली आणि जिंकली. अलिकडेच त्यांनी काँग्रेस अध्यक्ष मल्लिकार्जुन खरगे आणि विरोधी पक्षनेते राहुल गांधी यांची भेट घेतली. यानंतर लगेचच त्यांनी नवी खेळी करत मुख्यमंत्र्यांच्या चेहऱ्यासाठी दलित आणि मुस्लिम नेत्यांची नावे पुढे आणण्यात आली.

बिहार विधानसभा निवडणुकीसाठी पक्षाची रणनीती आखण्यासाठी दिल्लीत काँग्रेसची एक महत्त्वाची बैठक झाली. यामध्ये पप्पू यादवलाही बोलावण्यात आले होते. बैठकीत पप्पू यादव यांनी सांगितले की, “बिहार निवडणुकीत कोणत्याही भूमिकेसाठी ते पूर्णपणे तयार आहेत, त्यांना कोणतीही भूमिका दिली जाईल, ती ते प्रामाणिकपणे पार पाडतील.”

माध्यमांशी बोलताना लोकसभा खासदार पप्पू यादव यांनी, “बिहारमध्ये मुख्यमंत्रीपदासाठी काँग्रेसकडे चेहऱ्यांची कमतरता नाही. “असे म्हटले. तसेच पप्पू यादव यांनी मुख्यमंत्रीपदासाठी काँग्रेस नेत्यांची नावे सांगितली. याअंतर्गत त्यांनी बिहार प्रदेश काँग्रेस अध्यक्ष राजेश राम आणि खासदार तारिक अन्वर यांची नावे घेतली. बिहार विधानसभा निवडणुकीत काँग्रेस पक्षाच्या मुख्य प्रचारकांच्या यादीत पप्पू यादव यांचा समावेश करू शकते, असे मानले जाते.

पप्पू यादव आणि कन्हैया कुमार यांचा अपमान  Tejashwi Yadav vs Pappu Yadav। 
बिहार निवडणुकीच्या रणनीतीवर विचार करण्यासाठी काँग्रेसने राज्य युनिटची बैठक घेतली होती. यामध्ये राज्य प्रभारी कृष्णा अल्लावेरू, प्रदेशाध्यक्ष राजेश कुमार आणि इतर वरिष्ठ नेत्यांचा समावेश आहे. आणखी एक लक्षात घेण्याजोगा मुद्दा म्हणजे अलिकडेच विरोधकांनी निवडणूक आयोगाच्या मतदार यादी सुधारण्याच्या निर्णयाविरुद्ध बिहार बंदची हाक दिली होती.

ट्रकमध्ये बसण्याची परवानगी नाकारली  Tejashwi Yadav vs Pappu Yadav। 
या बिहार बंदमध्ये, महाआघाडीच्या नेत्यांनी पप्पू यादवला ट्रकमध्ये चढण्याची परवानगी दिली. राहुल गांधींपासून तेजस्वी यादवपर्यंत सर्वजण त्या ट्रकमध्ये उपस्थित होते. असा आरोप आहे की आरजेडीच्या नियोजनामुळे पप्पू यादवला ट्रकमध्ये चढू दिले गेले नाही.

पप्पू यादवने केलेल्या त्या अपमानानंतर, तो पहिल्यांदाच राहुल गांधी आणि मल्लिकार्जुन खरगे यांना भेटला. यावेळी त्यांनी कोणतीही नाराजी व्यक्त केली नसली तरी, मुख्यमंत्रीपदाचा चेहरा म्हणून राजेश राम आणि तारिक अन्वर यांची नावे पुढे करून त्यांनी तेजस्वी यादव यांचा ताण वाढवला आहे.