पाटणा : बिहार विधानसभा निवडणुकीसाठी मुख्यमंत्री पदाच्या चेहऱ्याबाबत महागठबंधनकडून लवकरच घोषणा केली जाई शकते. मुख्यमंत्री पदाच्या चेहऱ्यासह महागठबंधन निवडणुकीच्या रिंगणात उतरेल, अशी शक्यता आहे. सूत्रांच्या माहितीनुसार राजद नेते तेजस्वी यादव यांच्या नावास सर्व पक्षांची सहमती आहे. बिहार विधानसभा निवडणुकीच्या जागा वाटपासंदर्भात महागठबंधनमध्ये जागा वाटपाबाबत बैठका सुरु आहेत. महागठबंधनमधील सर्व राजकीय पक्षांमधील मतभेद दूर् करण्यासाठी सातत्यानं प्रयत्न सुरु आहेत. मुख्यमंत्री पदाच्या चेहऱ्यासह आणि जागा वाटपाबाबत अंतिम निर्णय लवकरच जाहीर केला जाऊ शकतो, अशी शक्यता आहे. राजदचे राष्ट्रीय महासचिव अब्दुल बारी सिद्दीकी यांनी महागठबंधनच्या बैठकीत मुख्यमंत्री पदाच्या चेहऱ्याबाबत भूमिका मांडली. महागठबंधनच्या सर्व पक्षांनी मिळून मुख्यमंत्री पदाचा चेहरा म्हणून तेजस्वी यादव यांचे नाव जाहीर केले पाहिजे, असे म्हटले. येत्या एक ते दोन दिवसांमध्ये महागठबंधनमधील जागा वाटप आणि उमेदवारांच्या नावांबाबत अंतिम निर्णय जाहीर केला जाईल, असेही त्यांनी स्पष्ट केले. कोणत्या पक्षाला किती जागा मिळणार? महागठबंधनमध्ये राजद, काँग्रेस, सीपीआय (माक्सवादी-लेनिनवादी) लिबेरशन याशिवाय सीपीएम आणि सीपीआयचा समावेश आहे. मुकेश सहानी यांनी विकासशील इन्सान पार्टी या राजकीय पक्षांचा समावेश आहे. महागठबंधनच्या सूत्रांनुसार लालू प्रसाद यादव यांच्या राजदकडून 135 ते 140 जागांवर निवडणूक लढवली जाऊ शकते. राजदने काँग्रेसला 50-52 जागा देण्याचा प्रस्ताव दिला आहे. काँग्रेसने गेल्या विधानसभा निवडणुकीत 70 जागा लढवल्या होत्या.
