Tejashwi Yadav । काँग्रेसचे नेते राहुल गांधी यांची ‘भारत जोडो न्याय यात्रा’ बिहारमध्ये पोहोचली. त्यावेळी यात्रेचे स्वागत जोरात करण्यात आले. यावेळी आरजेडी सुप्रीमो लालू प्रसाद यांचे पुत्र आणि माजी उपमुख्यमंत्री तेजस्वी यादव देखील उपस्थित होते.  तेजस्वी यादव केवळ राहुल गांधींच्या यात्रेत सहभागी झाले नाहीत तर त्यांचे सारथी देखील बनले.

इंडिया आघाडीचे हजारो कार्यकर्ते आणि समर्थकांसह तेजस्वी यादव लाल रंगाच्या चारचाकी गाडीवर राहुल गांधींसोबत दिसले. काँग्रेसच्या वरिष्ठ नेत्या मीरा कुमारही कारच्या मागील सीटवर दिसल्या. यावेळी राहुल गांधी यांनी एका सभेला संबोधित केले.

शेतकऱ्यांना एमएसपीची हमी देऊ Tejashwi Yadav ।
न्याय यात्रेदरम्यान रोहतास येथील टेकरी येथील किसान चौपाल येथे राहुल गांधी आणि तेजस्वी यादव यांनी शेतकऱ्यांना संबोधित केले. यादरम्यान तेजस्वी यादव यांनी बिहारमध्ये नोकरी देण्याबाबतही हमी दिली. त्यांना 17 महिन्यांसाठी सरकारी नोकरीही देण्यात आल्याचे त्यांनी सांगितले. इंडिया सरकार स्थापन झाल्यास एमएसपीची हमी दिली जाईल, असे राहुल गांधी म्हणाले. मोदी सरकारमध्ये शेतकऱ्यांसह सर्वच स्तरातील लोक त्रस्त आहेत, पण ते कोणाचेच ऐकत नाहीत. असा आरोप त्यांनी केला.

हेही वाचा
न्याय यात्रेचा झारखंड मधील दुसरा टप्पा रद्द ! शेतकऱ्यांना भेटण्यासाठी राहुल गांधी दिल्लीत..

कैमूर येथे सभेला संबोधित करतील Tejashwi Yadav ।
न्याय यात्रेदरम्यान काँग्रेसचे महासचिव कम्युनिकेशन प्रभारी जयराम रमेश यांनी, भारत जोडो न्याय यात्रेचा आज ३४ वा दिवस आहे. राहुल गांधी आज रोहतासमध्ये शेतकरी नेत्यांशी चर्चा करणार आहेत. दुपारी अडीच वाजता तेजस्वी यादव आणि राहुल गांधी कैमूरमध्ये सभेला संबोधित करतील. सायंकाळी पाचच्या सुमारास यात्रा उत्तर प्रदेशात दाखल होईल. त्याचवेळी ते म्हणाले की, ‘महिलांवर होणारे अत्याचार निंदनीय आहेत, त्याची चौकशी झाली पाहिजे. ते कायद्याला जबाबदार असल्याने राज्य सरकारने याचा गांभीर्याने विचार करायला हवा. या प्रकरणाचे राजकारण करणे योग्य नाही.