Sunil Shinde : शिंदेसेनेत जाण्याची चर्चा! अखेर सुनील शिंदेंनी स्पष्ट शब्दांत सांगून टाकलं म्हणाले….
Sunil Shinde : ते लवकरच शिंदेसेनेत येतील अशी चर्चा रंगली आहे. ही चर्चा सुरू असताना आमदार सुनील शिंदे यांनी स्पष्टीकरण दिले आहे.
Sunil Shinde : उद्धव ठाकरेंचे आणि आदित्य ठाकरेंचे अत्यंत विश्वासू मानल्या जाणाऱ्या आमदार सचिन अहिर यांना गळाला लावण्यात एकनाथ शिंदेंना यश आलं. चर्चेत नसलेल्या नेत्याला त्यांनी थेट उपसभापतीची उमेदवारी दिली आणि आता सचिन अहिर हे विधानपरिषदेचे उपसभापदी बनले आहेत. शिंदेंच्या या खेळीने उद्धवसेनेत खळबळ उडाली आहे.
आता एकनाथ शिंदे आणखी मोठी राजकीय खेळी करण्याच्या तयारीत आहे. अहिर यांच्यापाठोपाठ आता उद्धवसेनेचे विधानपरिषदेचे आमदार सुनील शिंदे यांना शिंदेसेनेत सहभागी करून घेण्यासाठी प्रयत्न सुरू असून, ते लवकरच शिंदेसेनेत येतील अशी चर्चा रंगली आहे. ही चर्चा सुरू असताना आमदार सुनील शिंदे यांनी स्पष्टीकरण दिले आहे.
“या सर्व घडामोडींमुळे आत्मविश्वास गमावलेल्या आणि पायाखालची वाळू सरकलेल्या काही लोकांकडून माझी राजकीय बदनामी करण्याचा तसेच शिवसैनिक आणि नागरिकांमध्ये संभ्रम निर्माण करण्याचा केविलवाणा प्रयत्न सुरू आहे.” अशी संतप्त प्रतिक्रिया सुनील शिंदे यांनी एका वृत्तवाहिनीसोबत बोलताना दिली.
त्या दाव्यामुळे रंगली चर्चा
तसेच त्यांनी मोठा दावा केला आहे. ते म्हणाले, “माझ्याबाबत जाणीवपूर्वक खोट्या आणि बिनबुडाच्या बातम्या माध्यमांमध्ये पेरल्या जात आहेत. या सर्वामागील सूत्रधार कोण आहेत, हे महाराष्ट्रातील जनतेला आणि शिवसैनिकांना ठाऊक आहे.” त्यामुळे त्यांच्या शिंदेसेनेसोबत जाण्याच्या चर्चा राजकीय पटलवार होत असतील तर मग त्यांनी खोट्या बातम्या पेरल्या जात असून यामागे सूत्रधार कोण आहे असं म्हटल्याने आता वेगळीच चर्चा सुरू झाली आहे.
Eknath Shinde
विधानपरिषदेचे आमदार सचिन अहिर आता त्याच सभागृहाचे उपसभापती बनले आहेत. त्यांनी काल पदभार स्विकारल्यानंतर त्यांचे मुख्यमंत्री देवेंद्र फडणवीस आणि उपमुख्यमंत्री एकनाथ शिंदे यांनी अभिनंदन केले. आता केवळ स्वार्थासाठी केलेल्या या गद्दारीचा समाजमाध्यमांवरही सर्व स्तरांतून तीव्र शब्दांत निषेध होत असल्याचे म्हणत उद्धवसेनेचे आमदार सुनिल शिंदे यांनी नाव न घेता उपसभापती झालेल्या सचिन अहिरांवर टीका केली.
नीलम गोऱ्हे नाराज?
एकनाथ शिंदे यांनी सचिन अहिर यांना शिवसेनेत प्रवेश दिल्यानंतर लगचेच त्यांना विधानपरिषदेच्या उपसभापतीची उमेदवारी दिली. त्यामुळे पक्षात नाराजीची चर्चा रंगली. माजी उपसभापती नीलम गोऱ्हे नाराज असल्याचे बोलले जात होते. अखेर यावर स्वतः त्यांनी स्पष्टीकरण देत चर्चा फेटाळून लावली आहे. “शिवसेनेत सचिन आहिर यांच्या प्रवेशामुळे किंवा त्यांना उपसभापती पद दिल्याने कुठलीही नाराजी नाही. ही फक्त माध्यमांमधील चर्चा आहे. आता जे परवा आलेत ते काल आलेल्यांवर टीका करत आहेत. यातून तुम्ही समजा. ” असं नीलम गोऱ्हे यांनी म्हटलं आहे.
