Manoj Jarange : आज मराठा समाजाला आरक्षण मिळावे या मागण्यासाठीच्या आंदोलनाचा दुसरा दिवस असून, मुबंईत ठिकठिकाणी आंदोलक मराठा बांधव दिसत आहेत. आता आरक्षण घेतल्याशिवाय माघार नाही, असा आक्रमक पवित्रा आंदोलकांनी घेतला आहे.

आझाद मैदान मराठा आंदोलक बांधवांनी भरलं आहे. आज पुन्हा एकदा मनोज जरांगे यांनी मराठा आरक्षणावर महत्वाचं भाष्य केलं आहे. ओबीसीतून आरक्षण मिळालं पाहिजे, अशी आग्रही भूमिका त्यांनी घेतली आहे. त्यांच्या या मागणीमुळे ओबीसी समाजाने देखील आंदोलनाचा इशारा दिला आहे. यामुळे ओबीसीतून आरक्षण म्हणजे नेमकं कसं? यावर जरांगेंनी स्पष्टता करत सांगितलं आहे.

आम्ही ओबीसीमध्येच आहे. मराठा आणि कुणबी एकच आहे. हे आमचं म्हणणं समजून घ्यावे, अशी मागणी जरांगेंनी केली आहे. सरकारने संभ्रम निर्माण करू नये. राज्य अस्थिर करण्याचे काम मंत्र्यांकडून होऊ नये, असंही जरांगे बोलताना म्हणाले आहेत. आम्हाला आरक्षण पाहिजे, राजकारण करायचे नाही. मुख्यमंत्र्यांना नेमकं राजकारण करायचेय, आरक्षण द्यायचं नाही, असा थेट आरोप जरांगेंनी केला आहे.

नेमकं काय म्हणाले जरांगे?

त्यांचे काढून घेणं म्हणजे काय. ओबीसीला उदा. ३२ टक्के आरक्षण आहे, त्यामधील २० टक्के काढून घेणं अन् त्यांना १० टक्केच ठेवणं. मग त्याला काढून घेणं म्हणतात. मंत्री राज्यात संभ्रम निर्माण करत आहेत. ओबीसीमधील ३२ टक्के आरक्षणातील २० टक्के मराठ्यांना काढून द्या, असे आम्ही म्हणत नाही. आमच्या ज्या नोंदी आहेत, त्या ओबीसीमध्ये आहेत. आम्ही ओबीसीमध्येच आहे. मराठा आणि कुणबी एकच आहे. हे आमचं म्हणणं समजून घ्यावे.

आझाद मैदानावर जरांगेंचा उपोषणाला आजच दुसरा आहे. पण याअगोदर ते त्यांच्या मूळ गावी अंतरवाली सराटी येथे उपोषणला बसले होते. त्यावेळी त्यांनी अन्नत्याग उपोषण केलं होतं. त्यामुळे त्यांची प्रकृती खालावली होती. त्यांच्यावर उपचारही करण्यात आले. मात्र, आता आझाद मैदानवरील उपोषणाच्या दुसऱ्याच दिवशी मनोज जरांगे यांनी प्रकृतीला घेऊन महत्वाची माहिती दिली आहे.

प्रकृतीबाबत काय म्हणाले?

उपोषणाच्या काळात चौथ्या दिवसापासून तोंडाला पाणी यायला सुरूवात होतं. पण आता दुसऱ्या दिवसापासूनच सुरू झालं आहे. यांच कारण म्हणजे दोन दिवसांपासूनचा प्रवास अन् आधीच्या उपोषणामुळे हे होत आहे. त्यामुळे शरिराला जास्तीचा परिणाम होत असल्याची माहिती जरांगेंनी दिली.

हेही वाचा : It’s Official: ईशा देओलच्या एक्स पतीने गर्लफ्रेंड सोबत फोटो शेअर करत दिली प्रेमाची कबुली