कॅनबरा : एलिसा हीली आणि बेथ मूनी यांच्या तडाखेबाज अर्धशतकी खेळीच्या जोरावर आॅस्ट्रेलिया महिला संघाने टी-२० क्रिकेट विश्वचषक स्पर्धेत गुरूवारी झालेल्या साखळी फेरीच्या सामन्यात बांगलादेशचा ८६ धावांनी पराभव करत विजय नोंदविला. एलिसा हीली या सामन्याची मानकरी ठरली.

Australia win by 86 runs!

A superb all-round team performance 👏#AUSvBAN | #T20WorldCup

SCORE 📝 https://t.co/ZSMgugPHcl pic.twitter.com/HvCJKvep5t

— T20 World Cup (@T20WorldCup) February 27, 2020

आॅस्ट्रेलियाने नाणेफेक जिंकून प्रथम फलंदाजी करताना एलिसा हीलीच्या ५३ चेंडूत (१० चौकार व ३ षटकार)८३, बेथ मूनीच्या ५८ चेंडूत (९ चौकार) नाबाद ८१ आणि एश्ले गार्डनरच्या ९ चेंडूत (३ चौकार व १ षटकार) नाबाद २२ धावांच्या खेळीच्या जोरावर २० षटकात १ बाद १८९ अशी मजल मारली होती. बांगलादेशकडून सल्मा खटून हिने ४ षटकात ३९ धावा देत १ विकेट घेतली.

प्रत्युत्तरात विजयासाठी १९० धावांचा पाठलाग करताना बागंलादेशच्या संघास २० षटकात ९ बाद १०३ धावसंख्येपर्यतच मजल मारता आली. बांगलादेशकडून फलंदाजीत फर्गाना होकने ३६(३५), निगार सुल्तानाने १९(३२), रूमाना अहमदने १३(१२) आणि शमीना सुल्तानाने १३(०९) धावांची खेळी केली.

आॅस्ट्रेलियाकडून गोलंदाजीत मेगन शूटने ४ षटकात २१ धावा देत ३, जेस जोनसनने ४ षटकात १७ धावा देत २ विकेट घेतल्या. तर, ऐनाबेल सदरलैंड आणि निकोला कैरी यांनी प्रत्येकी १ विकेट घेतली.