T20 World Cup 2024 , IPL 2024 & Team India : आयपीएल 2024 नंतर टी-20 विश्वचषक सुरू होईल. आयपीएलची फायनल रविवारी, 26 मे रोजी खेळवली जाईल आणि पाच दिवसांनी म्हणजे 1 जूनपासून टी-20 विश्वचषक सुरू होईल. अशा स्थितीत भारतीय खेळाडू अमेरिकेत जाण्यावर प्रश्न उपस्थित होत आहेत की, अखेर पाच दिवसांत संघ विश्वचषकासाठी कसा जाईल?  पण, आता मीडिया रिपोर्टमध्ये हे समोर आले आहे की, आयपीएलच्या मध्यावर भारतीय खेळाडू विश्वचषकासाठी अमेरिकेला रवाना होणार आहेत.

‘टाइम्स ऑफ इंडिया’च्या वृत्तानुसार, भारतीय संघ 21 मे रोजी अमेरिकेला रवाना होणार आहे. या पहिल्या तुकडीत त्या भारतीय खेळाडूंचा समावेश असेल जे आयपीएल प्लेऑफचा भाग नसतील. अशा स्थितीत आयपीएल 2024 दरम्यान कोणते भारतीय खेळाडू विश्वचषकासाठी रवाना होणार हे पाहणे रंजक ठरणार आहे.

दरम्यान, आयसीसीने टी-20 विश्वचषक 2024 साठी संघांची घोषणा करण्यासाठी 1 मे ही अंतिम मुदत दिली आहे. अशा परिस्थितीत बीसीसीआय भारतीय संघाची घोषणा कधी करते हे पाहणे उत्सुकतेचे ठरणार आहे. याशिवाय संघातील अनेक बाबींवरही लक्ष ठेवले जाणार आहे. ज्याप्रमाणे संघात कोणत्या यष्टीरक्षकांचा समावेश केला जाईल. याशिवाय संघाच्या सलामीवीराबाबतही प्रश्न कायम आहे.

रोहित शर्मा याच्यासोबत शुभमन गिल की यशस्वी जैस्वाल यापैकी सलामीची जबाबदारी कोण घेणार हे पाहणे उत्सुकतेचे ठरणार आहे. याशिवाय यष्टिरक्षकपदाच्या शर्यतीत ऋषभ पंत, केएल राहुल आणि संजू सॅमसन यांचा समावेश आहे. अशा स्थितीत संपूर्ण टीम इंडिया पाहण्यासारखी असेल.

T20 World Cup 2024 : वीरेंद्र सेहवागने T20 वर्ल्डकपसाठी निवडले भारतीय प्लेइंग-11, हार्दिक पंड्या बाहेर तर 2 आश्चर्यकारक नावांचा समावेश…

विराटचा समावेश नसल्याची आहे चर्चा…

लक्षात घेण्यासारखे आहे की, टी-20 विश्वचषकासाठी विराट कोहलीला या स्पर्धेसाठी टीम इंडियामध्ये स्थान मिळणार नसल्याचीही जोरदार चर्चा आहे. अनेक माजी दिग्गज क्रिकेटपटू आणि तज्ञांनी विराट कोहलीला आपापल्या संघात स्थान दिले नाही. अशा स्थितीत कोहलीच्या निवडीकडेही लक्ष असेल.