T20 World Cup 2024 (Super 8, IND vs AFG) : भारत आणि अफगाणिस्तान यांच्यातील सुपर 8 सामना बार्बाडोस येथे होणार आहे. या सामन्यासाठी टीम इंडिया तिथे पोहोचली आहे. भारतीय संघ फॉर्मात असून सलग तीन सामने जिंकले आहेत. मात्र विराट कोहली काही विशेष करू शकला नाही. रोहित शर्मासह त्याला सलामी देण्यात यश आलेले नाही. आता सुपर-8 मध्ये भारताची लढत अफगाणिस्तानशी आहे. हा सामना त्याच्यासाठी सोपा नसेल. अफगाणिस्तानचे गोलंदाज विशेषत: फिरकीपटू हे भारतीय फलंदाजांसाठी डोकेदुखी ठरू शकतात.

अफगाणिस्तानचे फिरकी गोलंदाज रशीद आणि मुजीब उर रहमान यांनी अनेक प्रसंगी चमकदार गोलंदाजी केली आहे. या दोघांनी 2024 च्या टी-20 विश्वचषकातही अप्रतिम कामगिरी केली आहे. राशिदबद्दल बोलायचे झाले तर तो खूप अनुभवी आहे आणि आयपीएलमध्ये खेळल्यामुळे तो बहुतेक भारतीय फलंदाजांशी परिचित आहे. ही स्थिती भारतापुढील आव्हान वाढवू शकते. अफगाणिस्तानच्या फिरकीपटूंसमोर टीम इंडियाच्या फलंदाजांना अडचणीचा सामना करावा लागू शकतो.

राशिद खानने युगांडाविरुद्ध 2 बळी घेतले होते. मुजीबने एक विकेट घेतली होती. तर रशीद न्यूझीलंडविरुद्ध खूप घातक ठरला. त्याने 4 षटकात फक्त 17 धावा देत 4 बळी घेतले. या सामन्यात मोहम्मद नबीनेही गोलंदाजी केली. त्याने 4 ओव्हरमध्ये 16 धावा देऊन 2 विकेट घेतल्या होत्या. हे सर्व गोलंदाज टीम इंडियासाठी अडचणीचे ठरू शकतात.

T20 World Cup 2024 : आठ संघांमध्ये होणार 12 सामने..! सुपर-8 मध्ये कोण-कोणाशी अन् कधी भिडणार, जाणून घ्या संपूर्ण वेळापत्रक…

सुपर 8 चे सामने वेस्ट इंडिजमध्ये खेळवले जाणार आहेत. फिरकीपटूंना येथे मदत मिळू शकते. याच कारणामुळे टीम इंडियाही चार फिरकीपटूंसोबत आली आहे. भारताकडे कुलदीप यादव, युझवेंद्र चहल, रवींद्र जडेजा आणि अक्षर पटेल आहेत. कुलदीपला पहिल्या सामन्याच्या प्लेइंग इलेव्हनमध्ये स्थान मिळू शकते. कुलदीपने अनेक वेळा चांगली गोलंदाजी केली आहे. अक्षरही प्लेइंग इलेव्हनचा भाग बनू शकतो. तो अष्टपैलू खेळाडूच्या भूमिकेत आहे.