मुंबई : सध्या देशात आयपीएलचे वारे सुरु आहे. यंदाच्या आयपीएलमध्ये अनेक दर्जेदार सामने पाहायला मिळत आहेत. यादरम्यान IPL मध्ये अनसोल्ड राहिलेल्या एका खेळाडुला लॉटरी (T20 Mumbai League 2025) लागली आहे. आपण ज्या खेळाडूबद्दल बोलत आहोत त्या खेळाडूचे नाव आहे पृथ्वी शॉ. याला कारणदेखील तसेच आहे. मुंबई क्रिकेट असोसिएशनने पृथ्वी शॉला आयकॉन प्लेअरचा दर्जा दिला आहे.

का देण्यात आला आयकॉन प्लेअरचा दर्जा ?
मुंबई क्रिकेट असोसिएशनने (MCA) आयकॉन खेळाडूंची (T20 Mumbai League 2025)स्टार-स्टड लाइन-अप जाहीर केली आहे. या लाइन-अपमध्ये भारताचे स्टार सूर्यकुमार यादव, श्रेयस अय्यर आणि अजिंक्य रहाणे यांचा समावेश आहे. तसेच भारतातील प्रमुख फ्रँचायझी-आधारित देशांतर्गत टी20 स्पर्धांपैकी एक आयकॉन खेळाडूंच्या यादीत सरफराज खान, शार्दुल ठाकूर, पृथ्वी शॉ, शिवम दुबे आणि तुषार देशपांडे यांचा समावेश आहे. या आठही खेळाडूंनी सर्वोच्च स्तरावर भारताचे प्रतिनिधित्व केले आहे, त्यामुळे हे मुंबई क्रिकेटची प्रतिभा आणि खोली दर्शवते.

कधी पार पडणार टी20 मुंबई लीग ?
आयपीएल 2025 च्या समाप्तीनंतर आता मुंबईत टी 20 मुंबई लीगला (T20 Mumbai League 2025) सूरूवात होणार आहे. ही स्पर्धा सहा वर्षांच्या अंतरानंतर आता परत आली आहे. या स्पर्धेचा तिसरा हंगाम हा 26 मे ते 8 जून दरम्यान मुंबईतील वानखेडे स्टेडियमवर पार पडणार आहे.

‘हे’ 8 संघ घेणार सहभाग
नॉर्थ मुंबई पँथर्स (होरायझन स्पोर्ट्स इंडिया प्रायव्हेट लिमिटेड)
एआरसीएस अंधेरी (आर्क्स स्पोर्ट्स अँड एंटरटेनमेंट प्रायव्हेट लिमिटेड)
ट्रायम्फ नाईट्स मुंबई नॉर्थ ईस्ट (ट्रान्सकॉन ट्रायम्फ नाईट्स प्रायव्हेट लिमिटेड)
नमो वांद्रे ब्लास्टर्स (पीके स्पोर्ट्स व्हेंचर्स प्रायव्हेट लिमिटेड)
ईगल ठाणे स्ट्रायकर्स (ईगल इन्फ्रा इंडिया लिमिटेड)
आकाश टायगर्स मुंबई वेस्टर्न सबर्ब्स (वर्ल्ड स्टार प्रीमियर लीग एलएलपी)
सोबो मुंबई फाल्कन्स (रोडवे सोल्युशन्स इंडिया इन्फ्रा लिमिटेड)
मुंबई साउथ सेंट्रल मराठा रॉयल्स (रॉयल एज स्पोर्ट्स अँड एंटरटेनमेंट)

पृथ्वी शॉची आंतरराष्ट्रीय कारकीर्द
2018 मध्ये कसोटी पदार्पण करणाऱ्या पृथ्वी शॉने 5 सामन्यात 339 धावा केल्या आहेत. त्याने कसोटीत एक शतक आणि दोन अर्धशतके झळकावली आहेत. पृथ्वीची कसोटीतील फलंदाजीची सरासरी 42.37 आहे. डिसेंबर 2020 मध्ये त्याने शेवटची कसोटी खेळली. शॉच्या नावावर सहा एकदिवसीय आंतरराष्ट्रीय सामन्यांमध्ये 189 धावा आहेत. शॉची वनडेत सरासरी 31.50 होती. तो एक टी-20 आंतरराष्ट्रीय सामना खेळला आहे जिथे त्याचे खाते उघडले नाही. आयपीएल मध्ये एका षटकात सलग 6 चौकार मारण्याचा विक्रम करणाऱ्या पृथ्वीने 79 आयपीएल सामन्यांमध्ये 1892 धावा केल्या. या काळात त्याने 14 अर्धशतके झळकावली आहेत. त्याची आयपीएलमधील सर्वोत्तम धावसंख्या 99 धावा आहे.