मराठी इंडस्ट्रीमध्ये चॅाकलेट बॅाय म्हणून ओळख असलेला अभिनेता स्वप्नील जोशी याचा मुख्य भूमिका असलेला जिलेबी सिनेमाचा ट्रेलर रिलीज करण्यात आला आहे. गेल्या अनेक दिवसांपासून जिलबी या सिनेमाच्या ट्रेलरची प्रेक्षकांना उत्सुकता लागली होती. स्वप्नीनही  सोशल मीडियाच्या माध्यमातून जिलबीचा ट्रेलर प्रेक्षकांच्या भेटीला येणार असल्याचे जाहीर केले होते. या सिनेमात स्वप्नीलची मुख्य भूमिका असून अभिनेता प्रसाद ओक आणि अभिनेत्री शिवानी सुर्वे यांच्या देखील प्रमुख भूमिका आहेत. येत्या १७ जानेवारीला जिलबी सिनेमा चित्रपटगृहात रिलीज होणार आहे.

आनंद पंडित मोशन पिक्चर आणि अल्ट्रा मीडिया प्रायव्हेट लिमिटेड कंपनी यांच्या सहयोगाने जिलबी सिनेमा प्रेझेन्ट करण्यात आला आहे. सिनेमाच्या ट्रेलरमध्ये एक खून झालेला आहे. या खूनाच्या केसमध्ये अनेकजण आरोपीच्या पिंजऱ्यात उभे आहेत. त्यातला खरा आरोपी कोण ? त्याने खून कशासाठी केला ? याचा तपास सिनेमात दिसणार आहे. पण हा तपास करत असताना संशयाची सुई प्रत्येकाकडे दाखवण्यात आले आहे. या खूनाचा तपास करण्याची जबाबदारी करमळकर नावाच्या पोलीस अधिकाऱ्यावर आहे. हे पात्र अभिनेता स्वप्नील जोशीनी साकारलेले केली आहे.

सुभेदार नावाचं कुटुंब आहे. या कटुबांतील आशितोष नावाच्या व्यक्तीचा खून झाला आहे. तसेच पाटील नावाच्या व्यक्तीच किडनॅपिंग झालं आहे. या दोन घटना प्रामुख्याने ट्रेलरमधून दिसतात. सगळं कुटुंब चौकशीच्या फैऱ्यात आहे. स्वप्नीलाच लूक या सिनेमात वेगळा आहे. एका डॅशिंग आणि डॅार्क शेड असलेली पोलीस अधिकाऱ्याची व्यक्तीरेखा त्याने साकारलेली आहे. त्याचा ट्रेलरमध्ये एक डॅायलॅाग आहे. “मला ना असं गोल गोल फिरवता येत नाही. मेै सिधा पॅाईंट पे आता हूँ…..” राजकारणाची लेअर सिनेमाच्या ट्रेलरमधून दिसते. दिग्दर्शक नितीन कांबळे जिलबी सिनेमाच दिग्दर्शन केलं आहे.

‘वाळवी’नंतर एकत्र 

परेश मोकाशी यांची अॅायकॅानिक फिल्म म्हणून वाळवीकडे पाहिलं जातं. या सिनेमाने प्रेक्षकांना सिनेमाचा एक वेगळा अनुभव दिला. तो फार क्वचितच मराठी या प्रादेशिक भाषेत असावा. वाळवी सिनेमात अभिनेता स्वप्नील जोशी आणि अभिनेत्री शिवानी सुर्वे यांच्या केमिस्ट्री जुळून आली होती. या सिनेमानंतर पुन्हा एकदा जिलबी सिनेमाच्या निमित्ताने ही जोडी एकत्र आली असून पूर्णपणे वेगळ्या अंदाजात जिलबी सिनेमातून प्रेक्षकांच्या भेटीला येणार आहे.