Suryakumar Yadav Meets PM Narendra Modi With Family in Delhi : भारतीय टी-२० क्रिकेट संघाचा माजी कर्णधार सूर्यकुमार यादव आणि त्याच्या कुटुंबीयांनी शुक्रवारी राजधानी दिल्लीत पंतप्रधान नरेंद्र मोदी यांची भेट घेतली. या भेटीदरम्यान मोदींनी सूर्याच्या चिमुकल्या मुलीसोबत गप्पा मारताना आणि खेळताना दिसले; यावेळी दुसऱ्या मोठ्या मुलीने पंतप्रधानांना सुंदर कविताही ऐकवली. या भेटीचा खास व्हिडिओ पंतप्रधान मोदींनी सोशल मीडिया हँडल ‘एक्स’वर शेअर करत आनंद व्यक्त केला.

पंतप्रधानांनी पाहिले टी-२० विश्वचषकाचे सुवर्णपदक –

या भेटीदरम्यान सूर्यकुमार यादव २०२६ च्या आयसीसी पुरुष टी-२० विश्वचषक विजेतेपदाचे ऐतिहासिक सुवर्णपदक परिधान करून आला होता. पंतप्रधान मोदींनी ते पदक हातात घेऊन पाहिले आणि त्या ऐतिहासिक क्षणाची आस्थेने विचारपूस केली. भारताने सूर्याच्या नेतृत्वाखाली टी-२० विश्वचषक जिंकून सलग दोनदा जगज्जेतेपद राखणारा जगातील पहिलाच संघ बनण्याचा जागतिक विक्रम केला होता, ज्या आठवणींना यावेळी पुन्हा उजाळा मिळाला.

जागतिक क्रमवारीत ९१० रेटिंग गुणांचा विक्रम –

Truly a blessed and heartwarming moment with the Hon’ble Prime Minister Shri Narendra Modi Ji. 🙏🏼

A beautiful reminder of our rich culture, traditions and the values that bring us together. Grateful for this special moment.

Wishing everyone a very Happy and prosperous Diwali! 🪔

— Surya Kumar Yadav (@surya_14kumar) November 6, 2026

सूर्यकुमार यादवची टी-२० कारकीर्द अत्यंत नेत्रदीपक राहिली आहे. २०२२ आणि २०२३ मध्ये सलग दोन वर्षे ‘आयसीसी पुरुष टी-२० क्रिकेटर ऑफ द इयर’ पुरस्कार पटकावणाऱ्या सूर्याने जागतिक फलंदाजी क्रमवारीत अव्वल स्थान गाठले होते. जानेवारी २०२३ मध्ये त्याने मिळवलेले ९१० रेटिंग गुण हे टी-२० आंतरराष्ट्रीय क्रिकेटच्या इतिहासातील सर्वोच्च रेटिंग्सपैकी एक मानले जातात. त्याच्याच नेतृत्वाखाली भारताने यूएईमध्ये आशिया कप टी-२० चे विजेतेपदही पटकावले होते.

हेही वाचा – India Beat Nepal : भारताचा नेपाळवर १० गडी राखून एकतर्फी विजय; आर्यवीर-लक्ष्यची नाबाद अर्धशतकं, आशिया कपमध्ये विजयी सलामी

खराब फॉर्ममुळे संघातून बाहेर; श्रेयसकडे कर्णधारपद –

दीपावली के माहौल में राम और सरयू का आगमन हुआ है। इससे दीपावली का वातावरण और भी पावन एवं दिव्य हो गया है।

@surya_14kumar https://t.co/B6vwr35Iwm

— Narendra Modi (@narendramodi) November 6, 2026

टी-२० विश्वचषक विजयानंतर मात्र सूर्याच्या फलंदाजीत सातत्याचा अभाव दिसून आला. फलंदाजीतील खराब फॉर्ममुळे त्याला इंग्लंड आणि आयर्लंड दौऱ्यासाठी भारतीय संघातून वगळण्यात आले, तर त्याच्या जागी श्रेयस अय्यरकडे भारतीय टी-२० संघाचे नवे कर्णधारपद सोपवण्यात आले. सध्या संघातून बाहेर असलेला सूर्या लवकरच देशांतर्गत क्रिकेटमध्ये खेळून पुन्हा राष्ट्रीय संघात स्थान मिळवण्यासाठी कसून सराव करत आहे.