Suryakumar Yadav 9000 runs complete in T20 : भारत आणि न्यूझीलंड यांच्यातील पहिल्या टी-२० सामन्यात भारतीय कर्णधार सूर्यकुमार यादव मोठी खेळी खेळण्यात अपयशी ठरला असला तरी, त्याने टी-२० क्रिकेटमध्ये एक ऐतिहासिक मैलाचा दगड गाठला आहे. नागपूरच्या व्हीसीए स्टेडियमवर खेळताना सूर्याने टी-२० फॉरमॅटमध्ये आपल्या ९,००० धावा पूर्ण केल्या आहेत.

सूर्याचा धमाका; मोडला मोठा रेकॉर्ड

भारतीय संघाने पॉवरप्लेमध्ये दोन विकेट्स गमावल्यानंतर सूर्यकुमार यादव मैदानात उतरला. त्याने २२ चेंडूत ३२ धावांची खेळी केली, ज्यामध्ये ४ चौकार आणि १ षटकाराचा समावेश होता. या खेळीदरम्यान वैयक्तिक २५ धावा पूर्ण करताच त्याने टी-२० क्रिकेटमध्ये ९,००० धावांचा टप्पा ओलांडला. असा पराक्रम करणारा तो भारताचा केवळ चौथा फलंदाज ठरला आहे.

टी-२० क्रिकेटमध्ये सर्वाधिक धावा करणारे भारतीय फलंदाज:

• विराट कोहली: १३,५४३ धावा
• रोहित शर्मा: १२,२४८ धावा
• शिखर धवन: ९,७९७ धावा
• सूर्यकुमार यादव: ९,००७* धावा

सूर्याने या धावा प्रामुख्याने आयपीएल (मुंबई इंडियन्स, कोलकाता नाईट रायडर्स) आणि भारतीय संघाकडून खेळताना केल्या आहेत.

हेही वाचा – Rohit Sharma : टी-२० वर्ल्ड कप घरून पाहणं कठीण…”, निवृत्तीनंतर रोहित भावूक; श्रेयस अय्यरबद्दलही केला मोठा खुलासा!

अभिषेक शर्माचे वादळी अर्धशतक –

दुसरीकडे, युवा सलामीवीर अभिषेक शर्माने आपल्या स्फोटक फलंदाजीने नागपूरच्या चाहत्यांची मने जिंकली. संजू सॅमसन (१० धावा) आणि इशान किशन (८ धावा) स्वस्तात बाद झाल्यानंतर अभिषेकने डाव सावरला. त्याने अवघ्या २२ चेंडूत तूफानी अर्धशतक झळकावत न्यूझीलंडच्या गोलंदाजांचा समाचार घेतला. अभिषेक (८४) आणि रिंकूच्या (४४) तुफान फटकेबाजीच्या जोरावर २३८ धावांचा डोंगर उभा केला आहे.