Suryakumar Yadav hit 150 t20I sixes : भारत आणि ऑस्ट्रेलिया यांच्यातील पाच सामन्यांच्या टी-२० मालिकेतील पहिल्या सामन्यात भारतीय कर्णधार सूर्यकुमार यादवने ऐतिहासिक कामगिरी केली. या सामन्यात सूर्याने केवळ संघाला भक्कम सुरुवात दिली नाही, तर टी-२० आंतरराष्ट्रीय क्रिकेटमध्ये असा विक्रम आपल्या नावे केला, जो आतापर्यंत जगातील केवळ चार फलंदाजांच्या नावे होता. या कामगिरीसह त्याने रोहित शर्मा सारख्या दिग्गजालाही मागे टाकले.

सूर्यकुमार यादवने रचला नवा इतिहास –

कॅनबेरा येथे खेळवल्या जाणाऱ्या पहिल्या टी-२० सामन्यात सूर्यकुमार यादवने दोन शानदार षटकार मारून आपल्या टी-२० आंतरराष्ट्रीय कारकीर्दीत १५० षटकारांचा टप्पा पूर्ण केला. तो असा करणारा जगातील केवळ पाचवा आणि भारताचा दुसरा खेळाडू ठरला आहे. त्यांच्यापूर्वी ही कामगिरी भारतीय संघाच्या ‘हिटमॅन’ रोहित शर्माने केली होती. मात्र, सूर्याने हा टप्पा रोहितपेक्षा खूपच कमी डावांमध्ये गाठला.

रोहित शर्माने १११ डावांमध्ये १५० षटकार पूर्ण केले होते, तर सूर्यकुमार यादवने हा मैलाचा दगड केवळ ८६ डावांमध्ये पार केला. यामुळे तो भारतासाठी सर्वात जलद १५० टी-२० षटकार मारणारे फलंदाज ठरले आहेत. जगातील सर्वात जलद १५० षटकार मारण्याचा विक्रम संयुक्त अरब अमिरातीच्या मुहम्मद वसीमच्या नावे आहे, ज्यांनी ही कामगिरी ६६ डावांमध्ये केली होती. त्यांच्यानंतर सूर्यकुमारचे नाव येते. न्यूझीलंडच्या मार्टिन गुप्टिलने १०१ डावांमध्ये, रोहित शर्माने १११ डावांमध्ये आणि इंग्लंडच्या जोस बटलरने १२० डावांमध्ये ही कामगिरी केली होती. विशेष बाब म्हणजे, पूर्ण सदस्य देशांच्या खेळाडूंमध्ये सूर्या सर्वात जलद १५० षटकार मारणारा फलंदाज ठरला आहे.

हेही वाचा – Gautam Gambhir Tension : गौतम गंभीरच्या लाडक्याची विकेट पडणार? रोहित, विराटनंतर ‘या’ खेळाडूने वाढवलं टेन्शन

सूर्या फॉर्ममध्ये परतला –

टी-२० मालिकेतील पहिल्या सामन्यात सूर्यकुमार यादवची खेळी केवळ विक्रमापुरती मर्यादित नव्हती, तर त्याने आपल्या फॉर्ममध्येही शानदार पुनरागमन केले. मागील पाच टी-२० सामन्यांमध्ये सूर्या २० धावांचा टप्पाही गाठू शकला नव्हता. आशिया कप २०२५ दरम्यानही त्यांचा खेळ फिका राहिला होता, जिथे त्याने सात सामन्यांमध्ये एकही अर्धशतक झळकावले नाही आणि केवळ एकदाच २० धावांचा टप्पा ओलांडला होता. मात्र, ऑस्ट्रेलियाविरुद्धच्या या सामन्यात ते आत्मविश्वासाने भरलेली दिसली आणि ३० पेक्षा अधिक धावा करून संघाला मजबूत स्थितीत पोहोचवले.

हेही वाचा – Rohit Sharma Retirement : “…त्यानंतर रोहित शर्मा निवृत्ती घेणार”; प्रशिक्षक दिनेश लाड यांचे मोठे वक्तव्य

पावसामुळे दोनदा थांबला सामना –

कॅनबेरा येथे पावसामुळे भारत आणि ऑस्ट्रेलिया यांच्यातील पहिला टी-२० सामना दोनदा थांबवण्यात आला. प्रथम ५ षटकांनंतर आणि दुसऱ्यांदा ९.४ षटकांनंतर सामना थांबला. बातमी लिहिली जात असताना भारताने स्कोअरबोर्डवर ९७ धावा नोंदवल्या होत्या. भारताला अभिषेक शर्मा रुपाने पहिला धक्का बसला आहे. अभिषेकने १४ चेंडूंचा सामना करत १९ धावा केल्या. तर, शुबमन गिलने २० चेंडूंमध्ये ३७ धावा आणि कर्णधार सूर्यकुमार यादवने २४ चेंडूंमध्ये ३९ धावा करून खेळत होते.