Scene Movie : दाक्षिणात्य सुपरस्टार सूर्या शिवकुमार याचा बहुप्रतीक्षित ‘सीन’ हा चित्रपट आज, ६ नोव्हेंबर रोजी प्रेक्षकांच्या भेटीला आला आहे. चित्रपटाच्या प्रदर्शनाच्या पहिल्याच दिवशी चाहत्यांमध्ये प्रचंड उत्साह पाहायला मिळत आहे. पहिला शो पाहण्यासाठी चाहत्यांनी पहाटेपासूनच चित्रपटगृहांबाहेर मोठी गर्दी केली होती.

अनेक ठिकाणी चाहत्यांनी ढोल-ताशांच्या गजरात नाचत आणि फटाक्यांची आतषबाजी करत चित्रपटाच्या प्रदर्शनाचा आनंद साजरा केला. सोशल मीडियावरही चाहत्यांच्या या उत्साहाचे अनेक व्हिडिओ व्हायरल होत आहेत.

एका व्हिडिओमध्ये चाहते सूर्याच्या पोस्टरवर दूधाचा अभिषेक करताना दिसत आहेत. तर एका चाहत्याने चक्क स्वतःच्या हातावर कापूर पेटवून सूर्याच्या फोटोची आरती केल्याचे पाहायला मिळत आहे. या व्हिडिओमधून अभिनेत्याबद्दल चाहत्यांमध्ये असलेली प्रचंड क्रेझ पुन्हा एकदा अधोरेखित झाली आहे.

#WATCH | Madurai, Tamil Nadu: Actor Suriya’s film ‘Scene’ was released in theatres across the state early this morning, with fans celebrating its release enthusiastically.

The release comes after the Tamil Nadu government permitted theatres to screen newly released Tamil films from 6 AM during the first seven days of release.

— ANI (@ANI) November 6, 2026

सकाळी सहा वाजल्यापासून परवानगी

विशेष म्हणजे, तामिळनाडू सरकारने अलीकडेच एक मोठा निर्णय घेतला. नव्याने प्रदर्शित होणाऱ्या तमिळ चित्रपटांना पहिल्या सात दिवसांसाठी सकाळी ६ वाजल्यापासून शो आयोजित करण्याची परवानगी चित्रपटगृहांना देण्यात आली आहे. त्यामुळे अनेक ठिकाणच्या चित्रपटगृहांमध्ये सीन या चित्रपटाची वेळ सकाळी सहा वाजताची आहे.

या चित्रपटात सूर्या शिवकुमार एका डॅशिंग पोलीस अधिकाऱ्याच्या भूमिकेत आहे. डीएसपी इनबराज असे त्याच्या पात्राचे नाव आहे. याशिवाय नझरिया नाझीम, नसलेन, आनंदराज, राज प्रियन आणि जॉन विजय हे कलाकारही महत्त्वाच्या भूमिकेमध्ये झळकले आहेत. या चित्रपटाचे दिग्दर्शन जिथू माधवन यांनी केले आहे.

दमदार अॅक्शन, उत्कंठावर्धक कथानक आणि सूर्याचा हटके अंदाज यामुळे ‘सीन’बाबत प्रेक्षकांमध्ये प्रदर्शनापूर्वीपासूनच प्रचंड उत्सुकता निर्माण झाली होती. आता पहिल्याच दिवसाच्या उत्साहानंतर बॉक्स ऑफिसवर हा चित्रपट किती कमाई करतो याकडे सर्वांचे लक्ष लागले आहे.

OBC Reservation: क्रिमी लेयरवर केंद्राला दिलासा नाहीच ; सर्वोच्च न्यायालयाचा मोठा निर्णय