Supriya Sule : राष्ट्रवादी काँग्रेस (शरदचंद्र पवार) पक्ष सत्तेत होण्याचा विषयच येत नाही. अजित पवार गटातून कुणाचाही प्रस्ताव आलेला नाही, फोन, मेसेज काहीही आलेले नाही. माझा भाऊ गेला त्यावेळी सगळा विषय संपला आहे, असे राष्ट्रवादी काँग्रेस (शरदचंद्र पवार) पक्षाच्या कार्याध्यक्षा सुप्रिया सुळे (Supriya Sule) यांनी स्पष्ट केले आहे.

गेल्या काही दिवसांपासून दोन्ही राष्ट्रवादीच्या विलिनीकरणासंदर्भात वेगवेगळे दावे करण्यात येत होते. दोन्ही पक्षाच्या नेत्यांकडून वेगवेगळी वक्तव्ये करण्यात येत होती.

अशातच विलीनीकरणाबाबत सुळे यांनी पत्रकार परिषदेत भाष्य केले असून, एनडीए सोबत जाण्याची चर्चा नाही. जिथे चर्चा नाही तिथ कॉमा, फुलस्टॉप विषय येत नाही. अशा शब्दात चर्चांना फुलस्टॉप दिला आहे.

सुळे (Supriya Sule) म्हणाल्या, विलीनीकरणाच्या चर्चांचा मला आता कंटाळा आला आहे. माझा भाऊ (दिवंगत अजित पवार) होता तोपर्यंत विलिनकरणाची चर्चा होती, तारीखही ठरली होती. ज्या दिवशी माझा भाऊ गेला, त्या दिवशी विलीनीकरणाबाबत माझ्या मनात, माझ्या पक्षात फुल स्टॉप झाला, ज्या दिवशी संघटनेतील पदाधिकारी आणि माझा अजितदादा यांच्याशी चर्चा झाली होती. माझा भाऊ होता तोपर्यंत विलीनीकरणाची चर्चा होती.

ज्या दिवशी भाऊ गेला त्या दिवशी विलीनीकरणाला फुल स्टॉप झाला. आमच्याकडून एकही स्टेटमेंट नंतर केलेले नाही. राष्ट्रवादीकडून जे स्टेटमेंट आली त्याला आम्ही काऊंटर केलेले नाही. जे आमचे पुढे जायचे ठरले होते, ते अजितदादांसोबत ठरले होते. यापुढे मी विलिनिकरणावर बोलणार नाही, असेही सुळेंनी स्पष्ट केले.

राष्ट्रवादीकडून काय चर्चा होतात त्यांच्याशी आमचे देणे घेणे नाही. आम्ही त्यांच्या प्रतिक्रियांवर काहीही बोलत नाही. माझे आणि माझ्या भावाचे नात जवळच होते, तो ओलावा कायम राहील, असेही सुळेंनी (Supriya Sule) म्हटले.