Supreme Court:  केरळ काँग्रेसने सरन्यायाधीशांविषयी केलेल्या अपमानजनक पोस्टवर सर्वोच्च न्यायालयाने कठोर भूमिका घेतली आहे. सर्वोच्च न्यायालयाने त्यांच्या सर्व अधिकाऱ्यांना नोटीस बजावली असून, अवमान कारवाई का सुरू करू नये, असे विचारले आहे.

न्यायालयाने म्हटले, “आम्ही आत्मसंयम राखतो; याचा अर्थ आम्हाला कमकुवत समजू नये. अभिव्यक्ती स्वातंत्र्याच्या नावाखाली काहीही बोलणे स्वीकारले जाऊ शकत नाही.”

न्यायालयाने म्हटले, “संविधान सर्वोच्च आहे. आम्ही संविधानाच्या चौकटीत राहून आमची कर्तव्ये पार पाडतो. आम्हाला कोणत्याही राजकीय पक्षाच्या किंवा संघटनेच्या संमतीची गरज नाही. न्यायालयाच्या प्रतिष्ठेवर झालेल्या कोणत्याही हल्ल्याला कठोरपणे हाताळले जाईल.”

पुढील सुनावणी १५ नोव्हेंबर रोजी होणार  Supreme Court: 

केरळ काँग्रेसचे प्रतिनिधित्व करणाऱ्या वकिलाने सांगितले की, ते बिनशर्त माफी मागणारे प्रतिज्ञापत्र दाखल करतील. न्यायालयाने अधिकाऱ्यांना पुढील सुनावणीत वैयक्तिक उपस्थितीतून सूट दिली आहे.

पुढील सुनावणी १५ नोव्हेंबर रोजी आहे. न्यायालयाने ज्येष्ठ वकील अरविंद दातार आणि वकील गौरव अग्रवाल यांची या प्रकरणात ‘अ‍ॅमिकस क्युरी’ (न्यायालयाचे मित्र) म्हणून नियुक्ती केली आहे. महाधिवक्ता यांनाही न्यायालयास सहकार्य करण्यास सांगितले आहे.

माफी मागितली Supreme Court: 
भारताचे सरन्यायाधीश (CJI) यांच्याबद्दल आक्षेपार्ह पोस्ट टाकल्याबद्दल प्रदेश काँग्रेस अध्यक्ष सनी जोसेफ यांनी बिनशर्त माफी मागितली आहे. केरळ काँग्रेसने सरन्यायाधीश सूर्यकांत यांना अपमानजनक पद्धतीने संबोधित केले होते आणि त्यांच्या राजीनाम्याची मागणी केली होती. या पोस्टमुळे मोठा वाद निर्माण झाला होता.

त्या पोस्टमध्ये, केरळ काँग्रेसने सरन्यायाधीशांना उद्देशून म्हटले होते की, “जर कायदा आणि सुव्यवस्था सांभाळणे तुमच्या अधिकारक्षेत्रात येत नसेल, तर राजीनामा द्या. आम्ही अशी व्यक्ती शोधू जी हे काम सांभाळू शकेल.” या पोस्टसंदर्भात एका वकिलाने याचिका दाखल केली होती, ज्याची सर्वोच्च न्यायालयाने दखल घेतली होती.