Supreme Court : सर्वोच्च न्यायालयाने (Supreme Court) गुरुवारी निवडणूक आयोगाला ऑल इंडिया तृणमूल काँग्रेसच्या दोन प्रतिस्पर्धी गटांमधील पक्षाचे नाव आणि फुले आणि गवत या चिन्हाबाबतचा वाद सोडवण्यासाठी कालमर्यादा निश्चित करण्यास सांगितले आहे.

सरन्यायाधीश सूर्यकांत आणि न्या. जॉयमाल्य बागची व न्या. व्ही. मोहना यांच्या खंडपीठाने पश्चिम बंगालच्या माजी मुख्यमंत्री ममता बॅनर्जी यांच्या याचिकेवर सुनावणी केली. या याचिकेत तृणमूलचे नाव आणि निवडणूक चिन्ह गोठवण्याच्या आयोगाच्या निर्णयाला आव्हान देण्यात आले आहे.

खंडपीठाने निवडणूक आयोगाच्या वतीने उपस्थित असलेले ज्येष्ठ वकील डी. एस. नायडू यांना या वादावर अंतिम निर्णय घेण्यासाठी लागणाऱ्या वेळेबद्दल माहिती देण्यास सांगितले. या प्रकरणावर पुढील सुनावणी (Supreme Court) २८ सप्टेंबर रोजी होणार आहे.

बॅनर्जी यांच्या वतीने बाजू मांडणारे ज्येष्ठ वकील कपिल सिबल म्हणाले की, निवडणूक प्रक्रिया आधीच सुरू झाल्यामुळे ते ६ ऑक्टोबर रोजी होणाऱ्या पश्चिम बंगाल विधानसभा पोटनिवडणुकीला स्थगिती देण्याची मागणी करू शकत नाहीत.

निवडणूक आयोगाचा निर्णय सदोष होता कारण तो निवडणूक प्रक्रियेदरम्यान घेण्यात आला होता. त्यामुळे बॅनर्जी यांच्याकडे फ्रीझिंग आदेशाला आव्हान देण्यासाठी कोणताही प्रभावी उपाय उरला नाही.

सर्वोच्च न्यायालयाने (Supreme Court) २१ सप्टेंबर रोजी बॅनर्जी यांची याचिका तातडीच्या सुनावणीसाठी सूचीबद्ध करण्यास सहमती दर्शवली होती. आयोगाच्या मते, या वादाचे ‘निवडणूक चिन्हे (आरक्षण आणि वाटप) आदेश, १९६८’ अन्वये सखोल व ठोस निराकरण होणे आवश्यक होते.