Abdul Sattar : राज्यातील बहुतांश भागात दुष्काळी परिस्थिती निर्माण झाली असून, शेतकऱ्यांची होणारी परवड लक्षात घेता शासनाने गोठ्यांपर्यंत थेट चारा उपलब्ध करून द्यावा, अशी मागणी माजी कृषिमंत्री तथा शिवसेनेचे आमदार अब्दुल सत्तार यांनी केली आहे. (Abdul Sattar)

यासंदर्भात त्यांनी मंगळवारी मुख्यमंत्री देवेंद्र फडणवीस यांना पत्र पाठवून दुष्काळग्रस्त भागात छावण्या सुरू करण्याऐवजी थेट शेतकऱ्यांच्या दारात चारा पोहचवण्यासाठी चारा डेपो सुरू करण्याची सूचना केली आहे. (Abdul Sattar)

पावसाच्या लहरीपणामुळे राज्यातील ३२ जिल्ह्यांमधील ३५८ पैकी तब्बल ३०५ तालुक्यांमध्ये दुष्काळ जाहीर करण्यात आला आहे. पिके वाया गेल्यामुळे आणि तीव्र पाणीटंचाईमुळे शेतकऱ्यांसमोर आपल्या मुक्या जनावरांच्या जगण्याचा गंभीर प्रश्न निर्माण झाला आहे. (Abdul Sattar)

तसेच जनावरांची वाहतूक करणे आणि चाऱ्याचे व्यवस्थापन करणेही कठीण झाले आहे. छावण्या उभारण्यापेक्षा सरकारने शेतकऱ्यांच्या गोठ्यांपर्यंत किंवा दारापर्यंत थेट चारा पुरवावा, असा आग्रह सत्तार यांनी धरला आहे. जनावरांसाठी केवळ चाराच नाही, तर पुरेशा प्रमाणात पिण्याचे पाणी आणि वैद्यकीय सुविधाही उपलब्ध करून देण्याची मागणी त्यांनी केली आहे. (Abdul Sattar)

विदर्भ आणि मराठवाड्यात मिळून राज्यातील ६० टक्क्यांहून अधिक दुष्काळग्रस्त तालुके आहेत. विशेषतः मराठवाड्यात जनावरांच्या चाऱ्यासाठी ज्वारीच्या ताटांचा मुख्य उपयोग होतो, परंतु यंदा मान्सून कमजोर राहिल्याने ज्वारी, बाजरी यांसारखी पिके पुरेशी वाढलीच नाहीत, त्यामुळे चाऱ्याची तीव्र टंचाई निर्माण झाली आहे. (Abdul Sattar)

Abdul Sattar met Manoj Jarange : ‘मित्र म्हणून आलोय’; अब्दुल सत्तारांनी घेतली मनोज जरांगेंची भेट, ‘या’ मुद्यावर झाली चर्चा