Sunil Gavaskar Predicts India Squad For ODI World Cup 2027 : आगामी २०२७ च्या एकदिवसीय विश्वचषक (ODI World Cup 2027) स्पर्धेसाठी भारतीय संघात कोणाला संधी मिळणार, यावर क्रिकेटविश्वात चर्चा रंगली आहे. नुकत्याच पार पडलेल्या इंग्लंड दौऱ्यातील एकदिवसीय मालिकेनंतर संघ निवडीवर अनेक प्रश्न उपस्थित केले जात आहेत. अशातच भारताचे महान फलंदाज सुनील गावस्कर (Sunil Gavaskar) यांनी २०२७ च्या वर्ल्ड कपसाठी आपल्या पसंतीचा १५ सदस्यीय भारतीय संघ (India Squad) निवडला आहे. या संघात त्यांनी काही धक्के देत अनेक प्रमुख खेळाडूंना स्थान दिले आहे.

यशस्वी जैस्वाल बाहेर; सलामीची धुरा गिल-रोहितकडे!

गावस्करांच्या संघात कर्णधार रोहित शर्मा आणि शुबमन गिल हेच सलामीवीर म्हणून दिसणार आहेत. विशेष म्हणजे, गेल्या तीन एकदिवसीय डावांपैकी दोन डावांत शतके ठोकून तुफान फॉर्ममध्ये असलेल्या तरुण यशस्वी जैस्वालला (Yashasvi Jaiswal) गावस्करांनी आपल्या १५ खेळाडूंच्या संघात स्थान दिलेले नाही. तर मधल्या फळीची धुरा विराट कोहली, श्रेयस अय्यर आणि के. एल. राहुल यांच्यावर सोपवली आहे. यष्टीरक्षक म्हणून इशान किशनची निवड करण्यात आली आहे.

चार अष्टपैलू अन् वेगवान गोलंदाजीचा भक्कम ताफा!

Former Indian legendary batter Sunil Gavaskar picks his squad for the 2027 ODI World Cup. 🇮🇳🏆

How would you rate this squad out of 10? 💙🤔#SunilGavaskar #India #CWC2027 #Sportskeeda pic.twitter.com/YGwFODWLgn

— Sportskeeda (@Sportskeeda) August 5, 2026

गावस्करांनी संघात संतुलन साधण्यासाठी हार्दिक पंड्या, रवींद्र जडेजा, अक्षर पटेल आणि युवा नितीश कुमार रेड्डी या चार अष्टपैलू खेळाडूंचा समावेश केला आहे. दुसरीकडे, मोहम्मद शमी आणि भुवनेश्वर कुमार यांची आंतरराष्ट्रीय कारकीर्द अंतिम टप्प्यात असल्याचे मानले जात असल्याने त्यांचा विचार करण्यात आलेला नाही. वेगवान गोलंदाजी आक्रमणात जसप्रीत बुमराहसोबत मोहम्मद सिराज, अर्शदीप सिंग आणि हर्षित राणा यांना पसंती देण्यात आली आहे, तर मुख्य फिरकी गोलंदाज म्हणून कुलदीप यादवला स्थान मिळाले आहे.

हेही वाचा – Himmat Kick Runout : क्रिकेट की फुटबॉल? रागाच्या भरात चेंडूला लाथ मारली अन् सामना थेट सुपर ओव्हरमध्ये; पाहा रनआऊटचा VIDEO

सुनील गावस्करांचा संभाव्य १५ सदस्यांचा वर्ल्ड कप संघ:

रोहित शर्मा, शुबमन गिल, विराट कोहली, श्रेयस अय्यर, के. एल. राहुल, इशान किशन (यष्टीरक्षक), हार्दिक पंड्या, रवींद्र जडेजा, अक्षर पटेल, नितीश कुमार रेड्डी, जसप्रीत बुमराह, मोहम्मद सिराज, अर्शदीप सिंग, हर्षित राणा, कुलदीप यादव.