Sudhan Gurung on Sushila Karki। नेपाळमध्ये नवीन सरकार स्थापन झाल्यानंतर, निषेध आणि असंतोषाचे आवाज अधिक तीव्र झाले आहेत. पंतप्रधान सुशीला कार्की यांच्या विरोधात तरुणांमध्ये आणि Gen Z चळवळीशी संबंधित लोकांमध्ये संताप वाढत आहे. चळवळीचे नेते सुदान गुरुंग यांनी पंतप्रधान कार्की यांना कडक शब्दात इशारा दिला. इशारा देताना सुदान गुरुंग यांनी,”ज्या व्यक्तीला मी पंतप्रधानपदाच्या खुर्चीवर आणले आहे त्याला काढून टाकण्यास मला जास्त वेळ लागणार नाही” असे त्यांनी म्हटले.

सुदान गुरुंग यांची संघटना ‘हामी नेपाळ‘ या चळवळीचा कणा मानली जाते, परंतु आता तीच संघटना सरकारच्या निर्णयांमुळे दुर्लक्षित असल्याचे जाणवत आहे. सुदानचा रोष स्पष्टपणे दिसून येतो, विशेषतः शहीदांच्या कुटुंबियांना पंतप्रधानांना भेटता न आल्याने आणि मंत्र्यांच्या निवडीमध्ये त्यांना बाजूला ठेवण्यात आल्याने.

रविवारी रात्री पंतप्रधानांच्या बालुवातार निवासस्थानाबाहेर गोंधळ झाला. मृतांच्या कुटुंबियांनी आणि अनेक Gen Z गटांनी सरकारविरुद्ध घोषणाबाजी केली आणि पंतप्रधानांच्या राजीनाम्याची मागणीही केली. या निषेधादरम्यान, आज मंत्रिमंडळाचा विस्तार होणार आहे, परंतु केवळ तीन मंत्र्यांनाच शपथ घेता येणार आहे.

ओमप्रकाश अर्याल यांच्यावर आंदोलक का संतापले? Sudhan Gurung on Sushila Karki। 

समोर आलेल्या माहितीनुसार, ओमप्रकाश अर्याल यांना गृह आणि न्याय मंत्रालयाची जबाबदारी, माजी अर्थ सचिव रामेश्वर खनाल यांना अर्थ मंत्रालयाची जबाबदारी आणि कुलमन घिसिंग यांना ऊर्जा मंत्रालयाची जबाबदारी मिळू शकते. मात्र, गृहमंत्री बनवणारे ओमप्रकाश अर्याल हे आधी आंदोलकांशी वाटाघाटी करत होते, परंतु नंतर त्यांनी स्वतः सौदाबाजी करून मंत्रीपद स्वीकारले असा आंदोलकांचा आरोप आहे. यामुळे पंतप्रधानांच्या निवासस्थानाबाहेरही त्यांचा निषेध करण्यात आला.

गुरुंग समर्थकांचा सरकारवर आरोप Sudhan Gurung on Sushila Karki। 

गुरुंग समर्थकांचे म्हणणे आहे की, सरकार जनआंदोलनाच्या भावनेकडे दुर्लक्ष करत आहे. त्याच वेळी, सुदान गुरुंग यांनी पुनरुच्चार केला की ते शहीदांच्या कुटुंबियांचा आवाज उठवत राहतील आणि जर परिस्थिती बदलली नाही तर ते पंतप्रधान कार्की यांच्या सत्तेला आव्हान देण्यापासून मागे हटणार नाहीत.