नेवासे : जिल्हा परिषद अहिल्यानगर आणि विनोबा कार्यक्रमाच्या संयुक्त विद्यमाने बेलपिंपळगाव (ता.नेवासे) येथे आयोजित केंद्रस्तरीय इंग्रजी शब्दलेखन स्पर्धेत बेलपिंपळगाव आणि सुरेगाव (गंगा) येथील विद्यार्थ्यांनी घवघवीत यश संपादन केले. नुकत्याच झालेल्या या स्पर्धेत तिन्ही गटांत प्रथम क्रमांक मिळवत आदित्य प्रकाश भद्रे,अंकित अंकुश शिंदे आणि श्रेया योगेश शिंदे यांनी तालुकास्तरीय स्पर्धेसाठी पात्रता मिळवली.

यशस्वी विद्यार्थी

इयत्ता तिसरी व चौथी गट : चि. आदित्य प्रकाश भद्रे (प्रथम)
इयत्ता पाचवी व सहावी गट : चि. अंकित अंकुश शिंदे (प्रथम)
इयत्ता सातवी व आठवी गट: कु. श्रेया योगेश शिंदे (प्रथम)

विद्यार्थ्यांनी पाठ्यपुस्तकातील दोनशे इंग्रजी शब्दांचे अचूक लेखन, शुद्ध उच्चार आणि अर्थ सादर केले. केंद्र समन्वयक विनायक कदम,स्पर्धा समन्वयक मुख्याध्यापक कल्याणराव शिंदे आणि सुरेगावचे मुख्याध्यापक हरिभाऊ जाधव यांच्या मार्गदर्शनाखाली या स्पर्धेचे आयोजन करण्यात आले होते. विद्यार्थ्यांच्या या यशाबद्दल दोन्ही शाळांतील शिक्षकवृंद तसेच ग्रामस्थांनी यावेळी अभिनंदन केले.