मुंबई – अभिनेता दुलकर सलमान सध्या त्याच्या आगामी ‘किंग ऑफ कोठा’ या चित्रपटामुळे खूप चर्चेत आहे. अभिनेता याआधी ‘चुप’ आणि ‘सीता रामम’ सारख्या चित्रपटात दिसला होता. दुलकर सलमानचे चाहते त्याच्या आगामी चित्रपटाची आतुरतेने वाट पाहत आहेत. गेल्या महिन्यात या चित्रपटाचा टीझर प्रदर्शित झाला होता, ज्याने चाहत्यांचा उत्साह वाढवला होता. यावेळी, आता निर्मात्यांनी ‘किंग ऑफ कोठा’चा दमदार ट्रेलर रिलीज केला आहे.

 

 

अभिनेता त्याच्या रोमँटिक प्रतिमेसाठी ओळखला जातो परंतु या चित्रपटात तो स्थानिक गुंडाची भूमिका साकारतो आहे. ट्रेलरमध्ये चित्रपटाची थोडी स्टोरी समजून येते. ट्रेलर पाहिल्यावर समजते की, राजू त्याच्या वडिलांप्रमाणे गुंड बनण्याची इच्छा बाळगतो. राजू मोठा होऊन लोकांचा नायक बनतो, त्याच्या चाहत्यांच्या आनंदासाठी,  दुलकर सलमानने चित्रपटात ऐश्वर्या लक्ष्मीसोबत एक रोमँटिक ट्रॅक देखील साकारला आहे.

ट्रेलर पाहणाऱ्या चाहत्यांचे म्हणणे आहे की दुलकरचा हा पुढचा अखिल भारतीय हिट असू शकतो. यापूर्वी 2022 मध्ये, अभिनेत्री मृणाल ठाकूरसोबतचा त्याचा तेलुगू चित्रपट ‘सीता राम’ इतर प्रादेशिक भाषांमध्ये प्रदर्शित होण्यापूर्वीच देशभर हिट झाला होता.