शिरूर : शिरूर शहरांमध्ये शिरूर वाहतूक पोलिसांकडून सिटीबोरा कॉलेज रोड, निर्माण प्लाझा, बीजे कॉर्नर या ठिकाणी बेशिस्त,अल्पवयीन वाहन चालक यांच्या तब्बल ४४ वाहनांवर कारवाई करत ४०, ५०० रु. दंड आकारण्यात आला. तसेच शिरूर शहरांमध्ये विना नंबर प्लेट, फॅन्सी नंबर प्लेट नंबर, नंबर प्लेटवर नाव टाकणे, ट्रिपल सीट, विना लायसन, भरधाव वेगात मोटर सायकल चालवणे, बुलेट मोटरसायकलचे फटाके वाजवणे, काचा असणाऱ्या फोर व्हीलर अशा वाहन चालकावर कारवाई करण्यात आली आहे.

यापुढे ही कारवाई अजून तीव्र करण्याकरीता पोलिस निरीक्षक संदेश केंजळे यांनी रोड रोमियो पथक सक्रिय केले असुन सदरची कारवाई पोलीस हवालदार राजेंद्र वाघमोडे, पोलीस अंमलदार वीरेंद्र सुंबे, पोलीस अंमलदार आप्पासाहेब कदम, पोलीस अंमलदार ज्ञानेश्वर गोरे, पोलीस अमलदार विक्की यादव, पोलीस अमलदार विनोद काळे यांनी केली आहे.

तसेच पोलीस निरीक्षक संदेश केंजळे यानी नागरिकांना आवाहन केले आहे की, आपल्या 18 वर्षा खालील लायसन नसलेल्या पाल्यांना मोटर सायकल चालवण्यास देऊ नये अन्यथा वाहन मालक (पालक) यांच्यावर कारवाई करण्यात येईल याची सर्व नागरिकांनी नोंद घ्यावी.