नवी दिल्ली – बुधवारी काँग्रेसच्या निदर्शनांचा संदर्भ देत पंतप्रधान मोदी म्हणाले होते की, लोकांनी कितीही काळी जादू केली तरी जनतेचा विश्वास त्यांच्यावर कधीही निर्माण होणार नाही. आता या मुद्द्यावर काँग्रेस नेते राहुल गांधींनी ट्विट केले आहे की, पंतप्रधानांना महागाई दिसत नाही का? बेरोजगारी दिसत नाही का? तुमचे काळे कारनामे लपवण्यासाठी पंतप्रधानपदाची प्रतिष्ठा मोडीत काढणे आणि ‘काळी जादू’ सारखे अंधश्रद्धेचे काम करून देशाची दिशाभूल करणे बंद करा.’ असं म्हणत गांधी यांनी प्रतिउत्तर दिले आहे.

तत्पूर्वी,हरियाणातील गरिबांना मोफत रेशन देण्यापूर्वी २० रुपयांना तिरंगा विकत घेण्यास भाग पाडल्याच्या घटनेचा काँग्रेस नेते राहुल गांधी यांनी निषेध केला होता. या संपूर्ण घटनेबाबत त्यांनी फेसबुक पोस्टही लिहिली आहे. त्यांनी आपल्या पोस्टमध्ये लिहिले आहे की, तिरंगा हा आमचा अभिमान आहे, तो प्रत्येकाच्या हृदयात आहे. राष्ट्रवाद कधीच विकला जाऊ शकत नाही, रेशन देण्याऐवजी तिरंग्याच्या नावावर गरिबांकडून 20 रुपये उकळले जात आहेत ही अत्यंत लाजिरवाणी गोष्ट आहे. तिरंग्यासोबतच भाजप सरकार आपल्या देशातील गरिबांच्या स्वाभिमानावरही आघात करत आहे.’

21 ऑगस्टपासून काँग्रेस प्रदेशाध्यक्षपदाच्या निवडणुकीला सुरुवात होणार आहे. राहुल गांधी या पदासाठी निवडणूक लढवणार की नाही याबाबत अद्याप स्पष्टता नाही. पक्षाच्या नेत्यांनी त्यांना अनेकदा विनंती केली, पण त्यांनी प्रतिसाद दिला नाही. मात्र, आतापर्यंत राहुल गांधींनी काँग्रेस अध्यक्ष होण्याच्या विनंतीला नाही म्हटलेले नाही. 2019 च्या लोकसभा निवडणुकीत पराभूत झाल्यानंतर राहुल गांधी यांनी अध्यक्षपदाचा राजीनामा दिला होता आणि काँग्रेसच्या अध्यक्षपदी गैर-गांधी यांची निवड व्हावी अशी त्यांची इच्छा होती.