Steve Smith Snickometer Technology Controversy AUS vs BAN Darwin Test : ऑस्ट्रेलिया आणि बांगलादेश यांच्यातील पहिल्या कसोटी सामन्याच्या पहिल्याच दिवशी मोठा ड्रामा पाहायला मिळाला. गुरुवारी बांगलादेशच्या गोलंदाजांनी ऑस्ट्रेलियन संघाला पहिल्या डावात अवघ्या ५३ षटकांत १९८ धावांवर रोखले. ऑस्ट्रेलियन फलंदाजी कोसळत असताना दिग्गज फलंदाज स्टीव्ह स्मिथने (Steve Smith) १९० चेंडूंत ७१ धावांची चिवट खेळी करत संघाला सावरले. मात्र, सामन्यानंतर स्मिथने स्वतःच कबूल केले की, जर तंत्रज्ञानाची साथ मिळाली नसती तर तो खूप आधीच बाद झाला असता. या घटनेमुळे सोशल मीडियावर बांगलादेशवर अन्याय झाल्याची चर्चा रंगली आहे.

२१ व्या षटकातील ‘तो’ हाय-व्होल्टेज ड्रामा!

ही घटना बांगलादेशचा वेगवान गोलंदाज इबादत हुसैनच्या २१ व्या षटकात घडली. त्या वेळी स्मिथ अवघ्या ७ धावांवर खेळत होता. इबादतच्या एका बाहेर जाणाऱ्या चेंडूवर स्मिथने शॉट खेळण्याचा प्रयत्न केला, पण शेवटी बॅट मागे घेतली. चेंडू थेट यष्टीरक्षक लिटन दासच्या हातात गेला. बांगलादेशने जोरदार अपील केले, पण मैदानी अंपायर कुमार धर्मसेना यांनी ‘नॉट आऊट’ दिले. बांगलादेशने त्वरित ‘डीआरएस’ (DRS) घेतला. स्मिथला स्वतःलाही चेंडू बॅटला लागल्याची खात्री असल्याने तो पॅव्हेलियनच्या दिशेने चालू लागला होता.

‘स्निकॉप्टर’ने दाखवली नाही स्पाइक; स्मिथ बचावला!

“Did you nick that?”
“I think so, yeah.”

Watch Steve Smith’s full press conference after day one of #AUSvBAN: https://t.co/UPFVhNe5II pic.twitter.com/hzoOHz4xVR

— cricket.com.au (@cricketcomau) August 13, 2026

मात्र, रीप्लेदरम्यान ‘स्निकोमीटर’ (Real Time Snico) तंत्रज्ञानामध्ये चेंडू बॅटजवळून जाताना कोणतीही स्पाइक (Spike) दिसली नाही. यामुळे थर्ड अंपायरने स्मिथला ‘नॉट आऊट’ घोषित केले आणि बांगलादेशचा रिव्ह्यू वाया गेला. दिवसभराचा खेळ संपल्यानंतर पत्रकार परिषदेत बोलताना स्मिथ म्हणाला, “मला काहीतरी स्पर्श झाल्याचे जाणवले होते. जर मैदानी अंपायरने मला आऊट दिले असते तर मी निघून गेलो असतो. पण हो, आज तंत्रज्ञानाने मला नक्कीच वाचवले. कधीकधी असा फायदा मिळून जातो.”

हेही वाचा – Solar Eclipse Match : सामन्यादरम्यान अचानक आकाशात घडली अद्भूत घटना! क्रिकेट सोडून स्टेडियममधील प्रेक्षक पाहू लागले सूर्यग्रहण

हसन महमूदचे ६ विकेट्स; बांगलादेशची भक्कम सुरुवात!

🔴SNICKO CONTROVERSY HITS AUSTRALIA AGAIN🤦

– Steve Smith looked like he had edged the ball
– Bangladesh appealed & then took the review
– Smith had almost started walking back
– The fielders were sure it was OUT
– But Snicko showed NO SPIKE

The decision has already started a… pic.twitter.com/8mtpFfLLYV

— Sam (@cricsam02) August 13, 2026

ऑस्ट्रेलियाला २०० धावांच्या आत रोखण्यात बांगलादेशच्या हसन महमूदने ५५ धावांत ६ विकेट्स घेत मुख्य भूमिका बजावली. त्यानेच ५१ व्या षटकात स्मिथला बाद केले. प्रत्युत्तरादाखल बांगलादेशने पहिल्या डावात भक्कम सुरुवात केली आहे. पहिल्या दिवसाचा खेळ संपला तेव्हा बांगलादेशने २४ षटकांत १ बाद ९६ धावा केल्या होत्या. मोमिनुल हक (३५*) आणि तंजीद हसन (३२*) मैदानात टिकून असून बांगलादेश अजूनही ऑस्ट्रेलियन धावसंख्येच्या जवळ पोहोचत आहे.