Pune News : सावित्रीबाई फुले पुणे विद्यापीठाच्या गुणवत्ता सुधार योजने अंतर्गत पीपल्स एज्युकेशन सोसायटीच्या येरवडा येथील डॉ.आंबेडकर कला व वाणिज्य महाविद्यालयात उच्च शिक्षण आणि शाश्वत विकास यावर एक दिवसीय राज्यस्तरीय परिसंवाद मंगळवारी (दि.१०) घेण्यात येणार आहे. महाविद्यालयात सकाळी १० वाजता परिसंवादाचे उद्घाटन होणार आहे. यावेळी स्वामी रामानंद तीर्थ मराठवाडा विद्यापीठाचे माजी कुलगुरू डॉ. पंडित विद्यासागर, पीपल्स एज्युकेशन सोसायटीचे अध्यक्ष आनंदराज आंबेडकर, उपाध्यक्ष डॉ. डी. जी. देशकर, सचिव संजीव बोधनकर, प्राचार्य डॉ. गौतम बनसोडे, आय.क्यू.ए.सी. समन्वयक प्रा. डॉ. रुपेश थोपटे, सुप्रसिध्द राजकीय विश्लेषक डॉ. प्रकाश पवार, डॉ. बाबासाहेब आंबेडकर विधी महाविद्यालयातील प्राचार्य डॉ. प्रमोद हिरोडे, परिसंवादाचे समन्वयक प्रा. शिवाजी मोटेगावकर, प्रा. कैलास शिंदे आदी उपस्थित राहणार आहेत. डॉ. पंडित विद्यासागर यांचे बीजभाषण होणार आहे. परिसंवादात पेमराज सारडा महाविद्यालयाच्या प्राचार्य डॉ.माहेश्वरी गावित यांचे वंचित घटकांसाठी उच्च शिक्षणातील संधी, सावित्रीबाई फुले पुणे विद्यापीठाच्या आजीवन अध्ययन व विस्तार विभागाचे डॉ. नवनाथ तुपे यांचे नवीन शैक्षणिक धोरण : वास्तव आणि आव्हाने, आयआयईचे सहयोगी प्राध्यापक डॉ.विकास माने यांचे उच्च शिक्षण धोरण : आव्हाने आणि दिशा, सावित्रीबाई फुले पुणे विद्यापीठातील स्त्री अभ्यास केंद्रातील प्रा. डॉ. ललित भवरे यांचे उच्च शिक्षण आणि महिला या विषयावर व्याख्यान होणार आहे.
