Startups: देशातील कार्यरत स्टार्टअपची संख्या स्टार्टअपची व्याख्या बदलण्यात येणार असल्यामुळे मोठ्या प्रमाणात वाढण्याची शक्यता उद्योग आणि वाणिज्य विभागातील अधिकार्‍यांनी व्यक्त केली. केंद्र सरकारने देशातील स्टार्टअपची संख्या आणि या स्टार्टअपचा दर्जा वाढावा यासाठी अनेक उपाययोजना केल्या आहेत.

आता नव्या व्याख्यानुसार इतर काही क्षेत्रातील उद्योगांना स्टार्टअप म्हणून संबोधले जाणार आहे. प्राप्त माहितीनुसार डीप टेक्नॉलॉजी, सहकार इत्यादी क्षेत्रातील कार्यरत उद्योगांनाही त्यांनी पात्रतेच्या अटी पूर्ण केल्या असतील तर त्यांना स्टार्टअप म्हणून संबोधले जाणार आहे.

सध्या देशात दोन लाख इतके स्टार्ट पासून त्याची नोंदणी उद्योग विभागाच्या वेबसाईटवर नोंदणी करण्यात आलेली आहे.

भारतात मूलभूत संशोधन वाढावे आणि त्या संशोधनाच्या आधारावर नवे उद्योग विकसित व्हावे याकरिता ही व्याख्या बदलण्यात येणार असल्याचे वाणिज्य विभागातील अधिकार्‍यांनी सूचित केले.

केवळ माहिती तंत्रज्ञान आधारित उद्योगांना स्टार्टअप संबोधण्याऐवजी इतर क्षेत्रातही नावीन्यपूर्ण संकल्पनावर काम करणार्‍या उद्योगांना स्टार्टअप समजण्याचे केंद्र सरकारने ठरविले आहे. स्टार्टअपचा दर्जा मिळाल्यानंतर या उद्योगांना आवश्यक सोयी सुविधा मिळणे अपेक्षित आहे.

हेही वाचा – Oil companies Shares: ‘या’ कारणांमुळे ONGCसह तेल कंपन्यांचे शेअर्स 52 आठवड्यांच्या उच्चांकावर