ICC & Sri Lanka Cricket Board : आयसीसीने श्रीलंका क्रिकेट बोर्डावरील निलंबन मागे घेतले आहे. आयसीसीने रविवारी हा निर्णय घेतला. ICC ने श्रीलंका क्रिकेटवरील बंदी तात्काळ उठवली आहे. सरकारी हस्तक्षेपामुळे आंतरराष्ट्रीय क्रिकेट परिषदेने श्रीलंकन ​​क्रिकेटवर बंदी घातली होती.

10 नोव्हेंबर 2023 रोजी, श्रीलंका क्रिकेटला ICC चे सदस्य म्हणून त्याच्या जबाबदाऱ्यांचे उल्लंघन केल्याबद्दल निलंबित करण्यात आले. त्यानंतर 21 नोव्हेंबरला आयसीसी बोर्डाची बैठक झाली आणि श्रीलंका द्विपक्षीय आणि आयसीसी स्पर्धांमध्ये खेळू शकेल असा निर्णय घेण्यात आला. पण सध्या चालू असलेला अंडर-19 विश्वचषक स्पर्धा दक्षिण आफ्रिकेत हलवण्यात आली, तर आधी ही स्पर्धा श्रीलंकेत खेळवली जाणार होती.

समाधानानंतर आयसीसीने उठवली बंदी…

आयसीसीने सांगितले की, आता ते पूर्णपणे समाधानी आहेत. त्यानंतर श्रीलंकन ​​बोर्डाकडून बंदी उठवण्यात आली आहे. आंतरराष्ट्रीय क्रिकेट परिषदेने म्हटले आहे की आयसीसी बोर्ड परिस्थिती पाहत आहे आणि त्यांना समाधान आहे की श्रीलंका क्रिकेट यापुढे सदस्यत्वाच्या दायित्वांचे उल्लंघन करत नाही.

The International Cricket Council (ICC) Board has today lifted the suspension of Sri Lanka Cricket (SLC) with immediate effect.

READ: https://t.co/wG29foCFiU #SLC

— Sri Lanka Cricket 🇱🇰 (@OfficialSLC) January 28, 2024

निलंबनानंतर निवड समितीत झाले होते फेरबदल…

आयसीसीच्या निलंबनानंतर श्रीलंकन ​​क्रिकेटमध्ये बदल पाहायला मिळाला. बोर्डाने निवड समितीत बदल केले होते. संघाचा माजी खेळाडू उपुल थरंगा याला 5 सदस्यीय निवड समितीचे अध्यक्ष करण्यात आले. अजंता मेंडिस, इंडिका डी सरम, थरंगा परनाविताना, दिलरुवान परेरा आणि अध्यक्ष उपुल थरंगा यांच्यासह एकूण पाच जण समितीत होते.

Australian Open 2024 : जॆन्निक सिन्नरची पिछाडीवरुन जेतेपदाकडे झेप…

विश्वचषक 2023 च्या स्पर्धेत श्रीलंकेचे खराब प्रदर्शन…

2023 मध्ये भारतीय भूमीवर खेळल्या गेलेल्या एकदिवसीय विश्वचषक स्पर्धेत श्रीलंकेची कामगिरी अत्यंत खराब होती. कुसल मेंडिसच्या नेतृत्वाखालील श्रीलंकेने 9 पैकी फक्त 2 लीग सामने जिंकले होते, त्यानंतर त्यांना गुणतालिकेत नवव्या स्थानावर राहावे लागले.