SRH vs GT Gujarat Titans beat Sunrisers Hyderabad by 7 wickets : मोहम्मद सिराज आणि शुबमन गिलच्या दमदार कामगिरीच्या जोरावर गुजरात टायटन्सचा विजय रथ सुसाट धावत आहे. आयपीएल २०२५ मधील त्यांच्या चौथ्या सामन्यात, गुजरातने एकतर्फी सामन्यात सनरायझर्स हैदराबादचा ७ गडी राखून पराभव केला. हैदराबादला या हंगामात  घरच्या मैदानावर दुसरा आणि एकूण चौथा पराभव पत्करावा लागला.

सलग तिसरा सामना जिंकल्यानंतर गुजरातने पॉइंट्स टेबलमध्ये दुसरे स्थानही पटकावले आहे.  या सामन्यात प्रथम फलंदाजी करताना १५३ धावांचे लक्ष्य दिले होते, जे गुजरातने १६.४ षटकात पार करत विजयवर शिक्कामोर्तब केला. या विजयाचा स्टार मोहम्मद सिराज होता, जो प्रत्यक्षात हैदराबादचा रहिवासी आहे. त्याच वेळी, कर्णधार शुबमन गिलनेही कठीण परिस्थितीत शानदार खेळी केली.

🕺🕺🕺pic.twitter.com/iaRlfBu5Jr

— Gujarat Titans (@gujarat_titans) April 6, 2025

रविवार, ६ एप्रिल रोजी संध्याकाळी खेळल्या गेलेल्या या सामन्यात, पुन्हा एकदा हैदराबादची फलंदाजी सपशेल अपयशी ठरली. गेल्या हंगामात भरपूर धावा करणाऱ्या या संघाने यावेळीही पहिल्या सामन्यात मोठी धावसंख्या उभारली होती, पण तेव्हापासून संघ सतत पराभव पत्करत आहे. यावेळीही, हैदराबादचा स्फोटक टॉप ऑर्डर कोणत्याही प्रकारे योगदान देऊ शकला नाही आणि याचे कारण लोकल बॉय मोहम्मद सिराज होता, ज्याने राजीव गांधी स्टेडियमवर आपल्या धारदार गोलंदाजीने कहर केला आणि ४ विकेट्स घेतले.

हैदराबादची टॉप ऑर्डर पुन्हा ठरली अपयशी –

Fancy a Biryani Party tonight, #TitansFAM? 💙 pic.twitter.com/MJQyw0u0Oi

— Gujarat Titans (@gujarat_titans) April 6, 2025

सिराजने पहिल्या षटकात ट्रॅव्हिस हेड (८) ला बाद केले आणि पाचव्या षटकात अभिषेक शर्मा (१८) ला बाद केले. दरम्यान, इशान किशन (१७) देखील अपयशी ठरला आणि त्याला वेगवान गोलंदाज प्रसिद्ध कृष्णाने (२/२४) बाद केले. आठव्या षटकात फक्त ५० धावांत ३ विकेट्स गमावल्यानंतर, हेनरिक क्लासेन (२७) आणि नितीश कुमार रेड्डी (३१) यांच्या खेळीमुळे हैदराबादने थोडीशी सावरली. पण आर साई किशोर (२/२५), प्रसिद्ध आणि रशीद खान यांनी त्यांना मुक्तपणे फटकेबाजी करु दिली नाही. अनिकेत वर्मा (१८) ने काही धावा केल्या पण शेवटी कर्णधार पॅट कमिन्सने फक्त ९ चेंडूत २२ धावा करून संघाला १५२ पर्यंत पोहोचवले.

हेही वाचा – Khushdil Shah Fight : ‘…तर त्याने बॅटनं मारलं असतं’, खुशदिल शाहच्या भांडणावर बासित अलीचं मोठं वक्तव्य

सुदर्शन-बटलर ठरले अपयशी, पण सुंदरने मारली बाजी –

Enjoying back-to-back away wins energy tonight! ⚡ pic.twitter.com/bJZZlN2geW

— Gujarat Titans (@gujarat_titans) April 6, 2025

गुजरातची सुरुवातही चांगली झाली नाही. कारण साई सुदर्शन (५) आणि जोस बटलर (०) या हंगामात पहिल्यांदाच अपयशी ठरले. हे दोन्ही फलंदाज चौथ्या षटकात फक्त १६ धावांवर पॅव्हेलियनमध्ये परतले. अशा परिस्थितीत, या सामन्यात हैदराबाद पुनरागमन करेल असे वाटत होते पण गुजरातने मास्टरस्ट्रोक खेळला. या हंगामात वॉशिंग्टन सुंदरला पहिल्यांदाच खेळण्याची संधी मिळाली. त्याला गोलंदाजी करण्याची संधी मिळाली नाही पण त्याला चौथ्या क्रमांकावर बढती देण्यात आली. ही चाल यशस्वी झाली आणि त्याने पाचव्या षटकात सिमरजीत सिंगच्या चेंडूवर २० धावा फटकावल्या. येथूनच गुजरातला गती मिळाली.

हेही वाचा – SRH vs GT : सिराजने अभिषेकला बाद करताच काव्या मारनने वेधलं सर्वांच लक्ष, रिॲक्शन होतेय व्हायरल

त्यानंतर कर्णधार गिल आणि सुंदर यांनी डावावर नियंत्रण मिळवले आणि लक्ष्य गाठण्याचा पाया रचला. यादरम्यान, गिलने ३६ चेंडूत हंगामातील पहिले अर्धशतकही झळकावले. सुंदर (४९ धावा, २९ चेंडू) त्याचे पहिले अर्धशतक फक्त एका धावेने हुकले असले तरी, गेल्या हंगामापर्यंत सनरायझर्सचा भाग असलेल्या या खेळाडूने त्याच्या जुन्या संघासाठी खेळाचे चित्र बदलून टाकले होते. गिल आणि सुंदर यांच्यात ९० धावांची भागीदारी झाली. शेवटी, प्रभावशाली खेळाडू रदरफोर्डने मोठे फटके मारत संघाला १६.४ षटकांत विजय मिळवून दिला. गिलने नाबाद ६१ धावा केल्या, तर रुदरफोर्डने फक्त १६ चेंडूत नाबाद ३५ धावा केल्या.