Sports Ministry Suspends Table Tennis Federation Of India TTFI Meghna Ahlawat IOA Ad Hoc Committee : भारत सरकारने बुधवारी भारतीय टेबल टेनिस महासंघाविरुद्ध (TTFI) अत्यंत कडक पाऊल उचलले आहे. केंद्रीय क्रीडा मंत्रालयाने ‘प्रशासकीय त्रुटी’ आणि अंतर्गत अनाधोंदीचे कारण देत टीटीएफआयची मान्यता तत्काळ प्रभावाने निलंबित केली आहे. पूर्वी पाठवलेल्या ‘कारणे दाखवा’ नोटीसला महासंघाकडून समाधानकारक उत्तर न मिळाल्यामुळे आणि वेळेत निवडणुका न घेतल्यामुळे ही कारवाई करण्यात आल्याचे मंत्रालयाने स्पष्ट केले. यासोबतच खेळाचे कामकाज सुरळीत चालवण्यासाठी प्रशासकीय समिती (Ad-hoc Committee) स्थापन करण्याचे निर्देश भारतीय ऑलिंपिक संघटनेला (IOA) दिले आहेत.

मेघना अहलावत या महासंघाच्या पहिल्या महिला अध्यक्ष –

टीटीएफआयच्या सध्याच्या अध्यक्षा मेघना अहलावत या महासंघाच्या पहिल्या महिला अध्यक्ष आहेत. त्या हरियाणाचे माजी उपमुख्यमंत्री दुष्यंत चौटाला यांच्या पत्नी आहेत. डिसेंबर २०२२ मध्ये त्यांनी पदभार स्वीकारला होता, परंतु महासंघ गेल्या काही महिन्यांपासून सातत्याने वादात सापडला होता. जानेवारीमध्ये महासंघाने आर्थिक अनियमिततेचे आरोप लावत सरचिटणीस कमलेश मेहता यांना निलंबित केले होते. नंतर दिल्ली उच्च न्यायालयाने हे निलंबन रद्द केले असले, तरी या घटनेमुळे महासंघातील अंतर्गत सत्तासंघर्ष चव्हाट्यावर आला होता.

क्रीडा मंत्रालयाकडे हस्तक्षेपाची मागणी –

🏓 The Sports Ministry suspended its recognition of the Table Tennis Federation of India and asked the Indian Olympic Association to form an ad-hoc committee to administer the sport, citing governance deficiencies within TTFI.

In its order, the ministry cited TTFI’s failure to… pic.twitter.com/WAfbLKeZmg

— Sportstar (@sportstarweb) August 12, 2026

यानंतर स्टार खेळाडू मनिका बत्रा हिने पुरेशा देशांतर्गत स्पर्धा न खेळल्याचे कारण देत महासंघाने तिला आशियाई खेळांच्या संघातून बाहेर काढले होते. मनिकाने महासंघाच्या अस्पष्ट निवड प्रक्रियेवर जोरदार टीका करत क्रीडा मंत्रालयाकडे हस्तक्षेपाची मागणी केली होती. राष्ट्रीय चॅम्पियनशिप आयोजित करण्यात झालेला उशीर आणि या वर्षी होणाऱ्या निवडणुकांबाबतची अनिश्चितता यामुळे महासंघ खेळाडूंच्या हिताचे रक्षण करण्यात अपयशी ठरल्याचे मंत्रालयाने म्हटले आहे.

हेही वाचा – Rahane Commentary Debut : “आता खेळ वेगळ्या नजरेने पाहणार…”; गाबा जिंकवणाऱ्या अजिंक्य रहाणेचा १५ ऑगस्टपासून नवा प्रवास सुरू!

प्रशासकीय सुधारणा न झाल्याने पुन्हा एकदा निलंबन –

क्रीडा मंत्रालयाच्या मते, राष्ट्रीय क्रीडा महासंघाकडून अपेक्षित असलेली उत्तरदायित्व आणि लोकशाही कार्यपद्धती टीटीएफआयकडून पाळली गेली नाही. यापूर्वी फेब्रुवारी २०२२ मध्येही मनिका बत्रा हिच्या याचिकेनंतर दिल्ली उच्च न्यायालयाने टीटीएफआयला निलंबित केले होते. त्यानंतर डिसेंबर २०२२ मध्ये नव्या निवडणुकांनंतर महासंघाची मान्यता बहाल करण्यात आली होती; मात्र प्रशासकीय सुधारणा न झाल्याने पुन्हा एकदा महासंघावर निलंबनाची कारवाई करण्यात आली आहे.