शेवगाव, (प्रतिनिधी) – सध्या अनेक रक्तपेढ्यांमध्ये रक्ताचा तुटवडा असल्याने सामाजिक दायित्व म्हणून शेवगावच्या वतीने शुक्रवारी रक्तदान शिबिराचे आयोजन करण्यात आले. २१० रक्तदात्यांनी रक्तदानास उत्स्फूर्त प्रतिसाद दिला.

कृषी उत्पन्न बाजार समितीच्या घुले पाटील मंगल कार्यालयात रक्तदान शिबीर घेतले गेले. यावेळी शेवगाव शहरातील सर्व मोबाईल व्यावसायिकांनी आपली दुकाने बंद ठेवून शिबिरात उत्स्फूर्त सहभाग घेतला. सध्या राज्यामध्ये अनेक हॉस्पिटलमध्ये रक्ताचा तुटवडा भासत आहे. त्याअनुषंगाने एक सामाजिक बांधिलकी म्हणून शेवगाव मोबाईल रिटेल असोसिएशनच्या वतीने रक्तदान शिबिराचे आयोजन करण्यात आले.

ज्येष्ठ नेते अरुण पाटील लांडे, डॉ.गणेश चेके, डॉ.संजय लाड्डा, उद्योजक विजयराव देशमुख, अजिंक्य लांडे आदींनी भेट देऊन शुभेच्छा दिल्या. मोबाईल रिटेल असोसिएशनचे जिल्हा उपाध्यक्ष नितीन डाके, शेवगाव तालुकाध्यक्ष गौरव पितळे, विशाल पिसाळ, आदिनाथ खरात, शामल लोहिय, गणेश कबाडी, असलम पठाण, गोपाल खबाले, विशाल सबलो, गणेश तोतर, प्रीतम गर्जे, पप्पू विधाते, सचिन नाईकवाडी यांनी रक्तदान शिबिर यशस्वीतेसाठी विशेष परिश्रम घेतले.