FIFA World Cup 2026 Final Spain vs Argentina Lionel Messi Lamine Yamal Photo : फिफा फुटबॉल विश्वचषक २०२६ च्या अंतिम सामन्याचे (Final) चित्र आता पूर्णपणे स्पष्ट झाले आहे. या ऐतिहासिक जेतेपदासाठी आता जागतिक फुटबॉलमधील दोन महासत्ता म्हणजेच स्पेन आणि अर्जेंटिना एकमेकांसमोर ठाकणार आहेत. पहिल्या उपांत्य सामन्यात फ्रान्सचा पराभव करत स्पेनने अंतिम फेरीत प्रवेश केला होता, तर दुसऱ्या उपांत्य सामन्यात बलाढ्य इंग्लंडचे आव्हान संपुष्टात आणत अर्जेंटिनाने फायनलचे तिकीट पक्के केले.

मात्र, या फायनलमुळे क्रीडा जगतात एक अत्यंत भावनिक आणि रंजक योगायोग समोर आला आहे. कधीकाळी ज्या ६ महिन्यांच्या लहान मुलाला लिओनेल मेसीने (Lionel Messi) स्वतःच्या हाताने खेळवले होते, तोच मुलगा आता १९ वर्षांचा तरुण झाला असून अंतिम सामन्यात मेसीला कडवे आव्हान देणार आहे. Messi Yamal Final

२००७ मधील ‘त्या’ फोटोमागचे रहस्य काय?  (Messi Yamal Final)

Before you start imagining a possible Messi Yamal encounter in the World Cup finals, time to revisit the first time Messi faced Yamal.
In 2007, in a UNICEF calendar, where Yamal’s family was chosen after a raffle in their neighbourhood in Mataro.
Oh, and Yamal’s dad Mounir is 5… pic.twitter.com/JhjlVOLvH4

— Joy Bhattacharjya (@joybhattacharj) July 15, 2026

हा रंजक किस्सा २००७ मधील आहे. त्यावेळी १८ वर्षांचा लिओनेल मेसी फुटबॉल जगतात एक उगवता तारा म्हणून उदयास येत होता. त्याने आपला पहिला विश्वचषकही खेळला होता. त्याच दरम्यान मेसीने युनिसेफच्या (UNICEF) एका धर्मादाय कार्यक्रमात भाग घेतला होता, जिथे त्याला एका ६ महिन्यांच्या चिमुरड्यासोबत फोटो शूट करायचे होते. तो लहान मुलगा दुसरा कोणी नसून आज स्पेनच्या फुटबॉलचा मुख्य आधारस्तंभ असलेला लॅमिन यमाल (Lamine Yamal) होता.

Em 2007, um fotógrafo espanhol tirou uma
foto que ninguém deu importância.

Messi tinha 19 anos, começando no Barcelona.
Yamal tinha 5 meses de vida, escolhido no
sorteio de um calendário beneficente.

Ninguém sabia que aquele bebê seria o outro
protagonista da final da Copa… pic.twitter.com/9Y70od9mOm

— Britinho edições (@andersbrito) July 16, 2026

त्या फोटो शूट दरम्यान मेसीने ६ महिन्यांच्या यमालला कडेवर घेतले होते आणि टबमध्ये खेळवले होते. विशेष म्हणजे, हा फोटो पुढील १७ वर्षे खाजगी ठेवण्यात आला होता. २०२४ मध्ये पहिल्यांदा हा फोटो जगासमोर आला, ज्याला ‘द बिगिनिंग ऑफ टू लेजंड्स’ (दोन महान खेळाडूंची सुरुवात) असे कॅप्शन देण्यात आले होते.  (Messi Yamal Final)

हेही वाचा – Saikia ICC Chairman : आयसीसीच्या जागतिक दरबारात भारताची मोठी झेप! BCCIचे सचिव देवजीत सैकिया यांना मिळाली महत्त्वाची जबाबदारी

२० जुलै रोजी न्यूयॉर्कमध्ये महासंग्राम –   (Messi Yamal Final)

It was written in the stars… 💫

Lamine Yamal takes on Lionel Messi in the 2026 FIFA World Cup Final 19 years after this photo of them both from a 2007 charity photoshoot 📸

Messi was 20, while Yamal was just a six-month-old baby! 🤯#FIFAWorldCup | #WorldCup | #Messi |… pic.twitter.com/wRQtALdyAu

— DAZN Football (@DAZNFootball) July 15, 2026

२० जुलै २०२६ रोजी न्यूयॉर्कच्या भव्य स्टेडियमवर हा अंतिम सामना खेळवला जाणार आहे. गतविजेत्या अर्जेंटिनाचा हा सलग दुसरा विश्वचषक फायनल सामना असेल. तर दुसरीकडे, स्पेनला फायनल गाठण्यासाठी तब्बल १६ वर्षांची प्रतीक्षा करावी लागली आहे. २०१० मध्ये जेव्हा स्पेनने शेवटचा अंतिम सामना खेळला होता, तेव्हा त्यांनी जेतेपदावर नाव कोरले होते. आता गुरु-शिष्याच्या या अनोख्या लढतीत यमाल आपल्या देशासाठी मेसीचे स्वप्न भंग करणार की मेसी पुन्हा जादू दाखवणार, याकडे जगाचे लक्ष लागले आहे.