Unai Simon Record : स्पेनच्या गोलरक्षकाचा सर्वात मोठा पराक्रम! ३६ वर्षांचा विक्रम मोडत उनाई सायमनने रचला नवा कीर्तिमान
Unai Simon Record : स्पेनचा २९ वर्षीय स्टार गोलरक्षक उनाई सायमन (Unai Simon) याने विश्वचषक इतिहासात सर्वाधिक वेळ एकही गोल न स्वीकारण्याचा तब्बल ३६ वर्षांपूर्वीचा जागतिक विक्रम मोडीत काढला आहे.
Spain vs Austria FIFA World Cup 2026 Unai Simon Clean Sheet Record : फिफा फुटबॉल विश्वचषक २०२६ स्पर्धेत ‘राउंड ऑफ ३२’ च्या सामन्यात स्पेनने ऑस्ट्रियाचा ३-० असा एकतर्फी पराभव करत प्री-क्वार्टर फायनलचे (राउंड ऑफ १६) तिकीट पक्के केले आहे. या मोठ्या विजयासोबतच स्पेनने फुटबॉलच्या इतिहासात एका अभूतपूर्व विक्रमाची नोंद केली आहे. स्पेनचा २९ वर्षीय स्टार गोलरक्षक उनाई सायमन (Unai Simon) याने विश्वचषक इतिहासात सर्वाधिक वेळ एकही गोल न स्वीकारण्याचा तब्बल ३६ वर्षांपूर्वीचा जागतिक विक्रम मोडीत काढला आहे. या स्पर्धेत सलग चौथी ‘क्लीन शीट’ ठेवत एथलेटिक बिलबाओच्या या भरवशाच्या खेळाडूने आपले नाव सुवर्णाक्षरांनी इतिहासात लिहिले आहे.
५१९ मिनिटांचा अभेद्य किल्ला; इकर कॅसिलासचाही रेकॉर्ड उद्ध्वस्त –
उनाई सायमन हा गेल्या दोन विश्वचषकांचे सामने मिळवून तब्बल ५१९ मिनिटांपासून मैदानावर अजेय आहे. म्हणजेच या प्रदीर्घ वेळेत जगातील एकाही खेळाडूला त्याच्याविरुद्ध गोल करता आलेला नाही. या कामगिरीसह सायमनने इटलीच्या वाल्टर झेंगाचा १९९० मधील ५१७ मिनिटांचा विक्रम मोडीत काढला. तसेच त्याने स्पेनचाच महान गोलरक्षक इकर कॅसिलासचा (२०१०-२०१४ वर्ल्ड कप) सर्वाधिक क्लीन शीटचा देशांतर्गत रेकॉर्डही मागे टाकला आहे. विशेष म्हणजे, ऑस्ट्रियाचा संघ या सामन्यात स्पेनच्या गोलपोस्टवर एकही ‘शॉट ऑन टार्गेट’ मारू शकला नाही, ज्यामुळे सायमनला संपूर्ण सामन्यात एकही बचाव करण्याची गरज पडली नाही.
2022: Morocco (Round of 16) ✅
2026: Cape Verde (Group Stage) ✅
2026: Saudi Arabia (Group Stage) ✅
2026: Uruguay (Group Stage) ✅
2026: Austria (Round of 32) ✅It has been 5⃣1⃣9⃣ minutes since Spain’s Unai Simon last conceded a goal in a World Cup game, the longest-ever… pic.twitter.com/dXBj36EgSE
— Sportstar (@sportstarweb) July 2, 2026
जगातील सर्वोत्तम गोलरक्षक सायमनमुळे बेंचवर बसून –
En ia goleada 3-0 ante Austria 🇦🇹 que depositó a España 🇪🇸 en 8vos de la #FIFAWorldCup, el portero Unai Simón quebró el récord de imbatibilidad del italiano Walter Zenga en un Mundial (519 minutos)
La Roja volvió a ganar un partido de eliminación directa luego de 16 años pic.twitter.com/Yw8cH9ZiTT
— Identidad Deportiva (@idendeportiva) July 2, 2026
स्पेनच्या संघातील मजबूत बचावफळीचा सायमन हा मुख्य कणा ठरला आहे. स्पेनच्या संघात गोलकीपिंगसाठी इतकी भयंकर चुरस आहे की, सायमनच्या या वादळी फॉर्ममुळे युरोपमधील दोन सर्वोत्तम गोलरक्षकांना बेंचवर बसावे लागत आहे. आर्सनलला प्रीमियर लीग चॅम्पियन बनवणारा आणि सलग ३ वेळा गोल्डन ग्लव्ह जिंकणारा डेव्हिड राया सध्या राखीव खेळाडू आहे.
तसेच बार्सिलोनाचा अव्वल तरुण गोलरक्षक गार्शिया हा देखील बेंचवर बसून आहे. या दिग्गजांच्या उपस्थितीतही मुख्य प्रशिक्षक लुईस डी ला फुएंटे यांनी सायमनवर दाखवलेला विश्वास सार्थ ठरला आहे.
