Monsoon Arrival : दक्षिण-पश्चिम मान्सून उद्या म्हणजेच ४ जून रोजी केरळमध्ये धडकणार आहे. यामुळे देशातील अनेक भागांत पावसाची हजेरी पाहायला मिळू शकते. हवामान शास्त्रज्ञ नीथा के. गोपाल म्हणाल्या, हवामानाची सध्याची स्थिती अशीच राहिली, तर विभाग ४ जून रोजी अधिकृतपणे मान्सूनच्या आगमनाची घोषणा करेल. सहसा केरळमध्ये मान्सून १ जूनच्या सुमारास दाखल होतो, मात्र यंदा त्याच्या आगमनाला थोडा उशीर झाला आहे. (Monsoon Arrival)

मान्सूनच्या आगमनाच्या पार्श्वभूमीवर हवामान विभागाने केरळमध्ये मुसळधार पावसाचा ऑरेंज अलर्ट जारी केला आहे. बुधवार आणि गुरुवारसाठी अलाप्पुझा, कोट्टायम, एर्नाकुलम, त्रिशूर आणि मल्लपुरम या जिल्ह्यांना ऑरेंज अलर्ट दिला आहे. (Monsoon Arrival)

याशिवाय, गुरुवारी पठाणमथिट्टा आणि कोझिकोडमध्येही मुसळधार पावसाची शक्यता आहे. काही भागांत कमी वेळेत ११ ते २० सेंटीमीटरपर्यंत पाऊस पडू शकतो, असा इशारा हवामान अधिकाऱ्यांनी दिला आहे. (Monsoon Arrival)

इतर राज्यांमध्येही मुसळधार

हवामान विभागाच्या अंदाजानुसार, पुढील काही दिवसांत भारताच्या मोठ्या भागात मान्सूनपूर्व पाऊस पडू शकतो. अनेक भागांत विजांचा कडकडाट, वादळी वारे आणि मध्यम ते मुसळधार पावसाची शक्यता आहे. (Monsoon Arrival)

दिल्ली, हरियाणा, पंजाब, उत्तर प्रदेश, राजस्थान, मध्य प्रदेश, छत्तीसगड आणि झारखंड या राज्यांमध्ये वादळ-वाऱ्यासह पावसाची शक्यता वर्तवण्यात आली आहे. तर केरळ, तमिळनाडू आणि ईशान्येकडील अनेक राज्यांत मुसळधार पाऊस पडू शकतो. (Monsoon Arrival)

पुढील ५ दिवसांत ईशान्य भारतात गडगडाट, विजा आणि जोरदार वाऱ्यासह हलका ते मध्यम पाऊस पडण्याची शक्यता आहे. ३ ते ८ जून दरम्यान अरुणाचल प्रदेश, केरळ, लक्षद्वीप, तमिळनाडू, पुडुचेरी, किनारी आंध्र प्रदेश, ओडिशा आणि तेलंगणामध्ये मुसळधार पाऊस पडू शकतो. या काळात ५०-६० किमी प्रतितास वेगाने वादळ घोंगावू शकते, तर काही ठिकाणी वाऱ्याचा वेग ७० किमी प्रतितास असण्याची शक्यता आहे. (Monsoon Arrival)