Thalapathy Vijay  तामिळ सुपरस्टार थालापथी विजयने अभिनय क्षेत्रात पदार्पण केल्यानंतर आता राजकारणाच्या जगात प्रवेश केला आहे. आज  विजयने  आपल्या पक्षाचे नाव जाहीर केले आहे. त्याने आपल्या पक्षाचे नाव तमिलगा वेत्री काझम असे ठेवले आहे.

 

Tamil Nadu | Actor Vijay enters politics, announces the name of his party – Tamilaga Vetri Kazham pic.twitter.com/m1yMdNPK6x

— ANI (@ANI) February 2, 2024

अर्थात दलपती यांनी लोकसभा निवडणुकीपूर्वी पक्षाचे नाव जाहीर केले असले तरी ते निवडणूक लढवत नाहीत. असा खुलासाही त्यांनी केला आहे. अभिनेता विजयने एक निवेदन जारी केले आहे की, ‘आम्ही 2024 ची लोकसभा निवडणूक लढवणार नाही आणि आम्ही कोणत्याही पक्षाला पाठिंबा देणार नाही. सर्वसाधारण आणि कार्यकारी परिषदेच्या बैठकीत आम्ही हा निर्णय घेतला आहे.’

अलीकडेच, विजय राजकारणात प्रवेश करत असल्याच्या बातम्यांबाबत एका सूत्राने सांगितले होते की, ‘ते 2026 मध्ये तामिळनाडू राज्याच्या निवडणुकीपूर्वी राजकारणात प्रवेश करणार आहेत.’ विजयचे तामिळनाडूमध्ये प्रचंड चाहते आहेत. अभिनेता अनेकदा गरजू लोकांना मदत करताना दिसतो.

थालापथी विजय अभिनयासोबतच समाजसेवेसाठीही ओळखला जातो. डिसेंबर 2023 मध्ये, विजयने थुथुकुडी आणि तिरुनेलवेली जिल्ह्यातील पूरग्रस्त रहिवाशांना मदत केली होती. पूरग्रस्त कुटुंबांना विजयने मदत सामग्रीचे वाटप केले.