IND vs SA 2nd T20 Toss Update :  भारत आणि दक्षिण आफ्रिका यांच्यातील तीन सामन्यांच्या टी-20 मालिकेतील दुसरा सामना मंगळवारी (12 डिसेंबर) खेळवला जात आहे. रविवारी डर्बनमध्ये पावसामुळे मालिकेतील पहिला सामना रद्द करण्यात आला होता. त्यानंतर उभय संघांमधला दुसरा टी-20 सामना गकेबरहा येथील सेंट जॉर्ज पार्क येथे होत आहे.

दक्षिण आफ्रिकेचा कर्णधार एडन मार्करमने नाणेफेक जिंकून गोलंदाजी करण्याचा निर्णय घेतला आहे . टीम इंडिया प्रथम फलंदाजी करेल. या सामन्यात दक्षिण आफ्रिकेकडून कोणत्याही खेळाडूने पदार्पण केलेले नाही. या सामन्यात रुतुराज गायकवाड खेळत नाहीये. तो आजारी आहे.

🚨 Toss Update 🚨

South Africa have elected to bowl against #TeamIndia in the second #SAvIND T20I.

Follow the Match 👉 https://t.co/4DtSrebAgI pic.twitter.com/4UFl7rCNLF

— BCCI (@BCCI) December 12, 2023

टी-20 विश्वचषकापूर्वी फक्त पाच टी-20 सामने

दरम्यान, डर्बनमधील सामना रद्द झाल्यामुळे आयसीसी टी-20 विश्वचषकापूर्वी योग्य खेळाचे संयोजन शोधण्याच्या भारताच्या आशांना मोठा धक्का बसला आहे. टीम इंडियाने संपूर्ण टी-20 मालिकेसाठी अनुभवी खेळाडूंना विश्रांती दिली आहे. कर्णधार रोहित शर्मा, माजी कर्णधार विराट कोहली, वेगवान गोलंदाज जसप्रीत बुमराह आणि अष्टपैलू हार्दिक पंड्या दक्षिण आफ्रिकेविरुद्धच्या टी-20 मालिकेसाठी उपलब्ध नाहीत.

दक्षिण आफ्रिकेत भारतीय संघाचे नेतृत्व सूर्यकुमार करत आहे. अशा परिस्थितीत दक्षिण आफ्रिकेच्या कठीण परिस्थितीत युवा खेळाडूंना आत्मपरीक्षण करण्याची संधी मिळेल, अशी आशा संघ व्यवस्थापनाला आहे.