Temba Bavuma Record : टेम्बा बावुमाने रचला रचला इतिहास! ‘हा’ खास पराक्रम करणारा ठरला जगातील पहिलाच कर्णधार
Temba Bavuma Record : दक्षिण आफ्रिकेने गुरुवारी पहिल्या कसोटीत बांगलादेशला नऊ गडी राखून पराभूत केले. या विजयासह कर्णधार टेम्बा बावुमाने नवा इतिहास रचला आहे.

South Africa Beats Bangladesh 1st Test Temba Bavuma Captaincy Record Simon Harmer : फिरकीपटू सायमन हार्मरच्या भेदक माऱ्याच्या जोरावर दक्षिण आफ्रिकेने गुरुवारी पहिल्या कसोटी सामन्यात बांगलादेशचा नऊ गडी राखून दणदणीत पराभव केला. यासह दोन सामन्यांच्या मालिकेत १-० अशी आघाडी घेतली. पाचव्या दिवशी ५ बाद १०० धावांवरून पुढे खेळणाऱ्या बांगलादेशचा दुसरा डाव हार्मरने शेवटच्या पाचपैकी चार विकेट्स घेत १६८ धावांत गुंडाळला. या दिमाखदार विजयासह यजमान कर्णधार टेम्बा बावुमाच्या नावावर एक ऐतिहासिक विश्वविक्रम नोंदवला गेला आहे.
कर्णधार म्हणून पहिल्या १६ कसोटींत सर्वाधिक विजय मिळवणारा ठरला पहिलाच खेळाडू –
टेम्बा बावुमाने कर्णधार म्हणून आपल्या कारकिर्दीतील सुरुवातीच्या १६ कसोटी सामन्यांत सर्वाधिक १४ विजय मिळवण्याचा पराक्रम करत ऑस्ट्रेलियाच्या लिंडसे हॅसेट यांचा १३ विजयांचा जुना विक्रम मोडीत काढला. या यादीत टेम्बा बावुमाच्या नावावरही सुरुवातीच्या १६ सामन्यांत १४ विजय असून, बिल वुडफुल, स्टीव्ह वॉ, रिकी पाँटिंग आणि बेन स्टोक्स यांनी प्रत्येकी ११ सामने जिंकले आहेत.
१२ धावांच्या सोप्या आव्हानाचा पाठलाग करताना सुरुवातीला बसला धक्का –
Temba Bavuma tops the list with the most wins in his first 16 Tests as captain.🔥
#TembaBavuma #TestCricket #SAvsBAN https://t.co/wdTqb3s0gZ
— CricTracker (@Cricketracker) November 19, 2026
विजयासाठी मिळालेल्या अवघ्या १२ धावांच्या लक्ष्याचा पाठलाग करताना पहिल्या डावातील शतकवीर मार्क्स अॅकरमन दुसऱ्याच चेंडूवर मेहदी हसन मिराझच्या गोलंदाजीवर शून्यावर बाद झाला. मात्र, या सुरुवातीच्या धक्क्यानंतर एडन मार्करमने दमदार षटकार ठोकत उपाहारापूर्वीच एक बाद १२ धावा पूर्ण करून दक्षिण आफ्रिकेच्या विजयावर शिक्कामोर्तब केले.
कसोटी क्रमवारीतील अव्वल स्थान आणि अष्टपैलू रबाडा ठरला सामनावीर
गेल्या महिन्यात ऑस्ट्रेलियाला नमवून आयसीसी कसोटी क्रमवारीत अव्वल स्थान पटकावणाऱ्या विद्यमान जागतिक कसोटी अजिंक्यपद विजेत्या दक्षिण आफ्रिकेने आपला दबदबा कायम राखला आहे. सामन्यात पहिल्या डावात पाच विकेट्स, महत्त्वपूर्ण ७२ धावा आणि दुसऱ्या डावात तीन विकेट्स घेणारा कगिसो रबाडा सामनावीर पुरस्काराचा मानकरी ठरला.





