Shoaib Akhtar Confession : ‘आम्ही बाटलीच्या झाकणाने करायचो बॉल टॅम्परिंग…”, ‘सँडपेपरगेट’ वादानंतर शोएब अख्तरचा खळबळजनक कबुलीजबाब!
Shoaib Akhtar Confession : शोएब अख्तरने म्हटले आहे की, पाकिस्तानने इंग्लंडमध्ये चेंडूशी छेडछाड करण्यासाठी बाटलीच्या झाकणांचा वापर केला होता.

Shoaib Akhtar Ball Tampering Confession Bottle Cap Sandpapergate Usman Khawaja : ऑस्ट्रेलियन माजी फलंदाज उस्मान ख्वाजाने आपल्या नुकत्याच प्रकाशित झालेल्या ‘सब्र’ पुस्तकात मोठा खुलासा केला आहे. त्याने २०१८ च्या कुप्रसिद्ध ‘सँडपेपरगेट’ चेंडू छेडछाड प्रकरणाची माहिती संपूर्ण संघाला असल्याचा गौप्यस्फोट केला. यानंतर जागतिक क्रिकेटमध्ये मोठी खळबळ उडाली आहे. या सर्व गदारोळादरम्यान पाकिस्तानचा माजी वेगवान गोलंदाज शोएब अख्तरने या वादावर अनावश्यक गोंधळ न घालण्याचा सल्ला देत, पाकिस्ताननेही पूर्वी बाटलीच्या झाकणाने चेंडूशी छेडछाड केल्याची धक्कादायक कबुली दिली आहे.
इंग्लंडमध्ये आम्ही सँडपेपर नव्हे, तर बाटलीच्या झाकणाचा वापर करायचो; अख्तरचा खुलासा
‘विस्डेन’शी बोलताना शोएब अख्तर म्हणाला की, “या जुन्या खुलाशांवरून आता गदारोळ माजवल्याने क्रिकेटचेच नुकसान होते. पूर्वी इंग्लंडमध्ये खेळताना आम्ही सँडपेपरऐवजी बाटलीच्या झाकणाचा वापर करून चेंडूचा आकार बदलायचो आणि अशा सर्व गोष्टी करायचो.” अशी स्पष्ट कबुली देत सत्य समोर आले असले तरी त्यावर अनावश्यक वाद घालण्याची गरज नसल्याचे त्याने सांगितले.
जुन्या सहकाऱ्यांबद्दल खूप काही सांगण्यासारखे, पण मी त्यांच्याविरुद्ध बोलणार नाही –
WE USED TO TAMPER WITH BOTTLE CAPS. 🗣️
Shoaib Akhtar said, “we used bottle tops, not sandpaper in England. We used to change the balls and do all sorts of things. You come out with the truth and that’s about it, but don’t make a fuss about it”. (Wisden). https://t.co/jmRZN92CsF
— Mufaddal Vohra (@mufaddal_vohra) November 19, 2026
आपल्या जुन्या संघसहकाऱ्यांनी केलेल्या चुकीच्या कृत्यांबद्दल माझ्याकडे सांगण्यासाठी खूप काही आहे, मात्र मी त्यांच्या विरोधात कधीही जाणार नाही, असे अख्तरने स्पष्ट केले. त्या काळात प्रत्येक खेळाडू संशयाच्या भोवऱ्यात असल्याने कोणावर विश्वास ठेवावा हेच समजत नव्हते आणि मी एकाच वेळी २२ खेळाडूंविरुद्ध खेळत असल्यासारखे वाटायचे, अशी खंतही त्याने बोलून दाखवली.
रिवर्स स्विंगसाठी संपूर्ण संघाला या निर्णयाची कल्पना असतेच; अख्तरचे ख्वाजाला समर्थन
🚨 SHOAIB AKHTAR ON BALL TAMPERING! 🏏
🗣️ “We used bottle tops, not sandpaper in England. We used to change the balls and do all sorts of things.”
The former Pakistan 🇵🇰 fast bowler’s remarks have reignited debate around ball tampering in international cricket.🏏
The comparison with the 2018 Sandpapergate scandal involving Australia is particularly striking.
Akhtar also suggested that altering the ball’s condition was not necessarily an isolated act, claiming that the entire team knew about such practices.
The comments come amid renewed discussion of Australia’s 2018 Sandpapergate scandal following revelations in former Australian batter Usman Khawaja’s autobiography.
An extraordinary admission from the Rawalpindi Express! 😳Sources: Moneycontrol | Wisden interview coverage | Gulf News
— The Cricket🏏Village 🇬🇧🇵🇰🇦🇺🇮🇳🇿🇦🇧🇩🇱🇰 (@MSohailAfzal10) November 19, 2026
चेंडू रिवर्स स्विंग न केल्यास सामने जिंकणे अशक्य असल्याने हा काही मोजक्या खेळाडूंचा नव्हे तर संपूर्ण संघाचाच निर्णय असतो, असे सांगत अख्तरने उस्मान ख्वाजाच्या दाव्याला दुजोरा दिला; मात्र सत्य बाहेर आणण्याची ही वेळ अधिक चांगली असू शकली असती, असे मत त्याने व्यक्त केले.
बॅनक्रॉफ्ट, वॉर्नर आणि चॅड सेयर्स ख्वाजाच्या बाजूने; पॅट कमिन्सने मात्र फेटाळले आरोप
क्रिकेट ऑस्ट्रेलियाने या प्रकरणात स्टीव्ह स्मिथ, डेव्हिड वॉर्नर आणि बॅनक्रॉफ्ट यांच्यावर बंदी घातली होती, ज्यानंतर बॅनक्रॉफ्टला पुन्हा संधी मिळाली नाही. आता बॅनक्रॉफ्ट, वॉर्नर आणि तत्कालीन राखीव खेळाडू चॅड सेयर्स यांनी ख्वाजाच्या पुस्तकातील दाव्यांचे समर्थन केले आहे, तर कसोटी कर्णधार पॅट कमिन्सने हे सर्व आरोप पूर्णपणे बकवास असल्याचे म्हणत फेटाळून लावले आहेत.





