Sonam Wangchuk on CJP celebration : नीट पेपरफुटी प्रकरणात धर्मेंद्र प्रधान यांच्या राजीनाम्यानंतर सीजेपीचे ३६ दिवसांचे आंदोलन संपले. केंद्रीय शिक्षण मंत्री धर्मेंद्र प्रधान यांच्या राजीनाम्यानंतर पक्षाच्या वरिष्ठ नेत्यांनी नुकतीच  केंद्रीय मंत्री जेपी नड्डा आणि जितेंद्र सिंह यांची भेट घेऊन आंदोलन संपल्याची घोषणा केली.

रविवारी संध्याकाळी, सीजेपीच्या प्रमुख नेत्यांनी दिल्लीतील एका पंचतारांकित हॉटेलमध्ये पार्टीचे आयोजन केले होते. या पार्टीला सीजेपीचे प्रवक्ते सौरभ दास आणि अभिषेक रांका यांच्यासह पक्षाचे इतर प्रमुख नेते उपस्थित होते. (Sonam Wangchuk on CJP celebration) 

पार्टीदरम्यान त्यांच्या नाचण्याचा आणि गाण्याचा एक व्हिडिओ व्हायरल झाला.याच व्हिडिओवर सोनम वांगचुक यांनी प्रतिक्रिया दिली आहे. त्यांनी, “आनंद साजरा करा. पण विजयासोबत नम्रताही असली पाहिजे.” असे म्हणत सीजेपीला फटकारले आहे.

हॉटेल १५०-२०० लोकांसाठी एक दिवस आधीच बुकिंग  (Sonam Wangchuk on CJP celebration) 

हॉटेलमधील सीजेपीच्या पार्टीचा व्हिडिओ व्हायरल होताच, त्यांच्यावर टीका सुरू झाली. दरम्यान, काय घडले हे जाणून घेण्यासाठी माध्यमांनी दिल्लीतील हॉटेल व्यवस्थापकाशी संपर्क साधला.

एका वृत्तवाहिनीनुसार, ही पार्टी दिल्लीतील पटेल नगर येथील एका पंचतारांकित हॉटेलमध्ये आयोजित करण्यात आली होती. हॉटेल व्यवस्थापकाने सांगितले की, पार्टीच्या एक दिवस आधी हॉटेल मालकाला बुकिंगबद्दल फोन आला होता. ज्या व्यक्तीने बुकिंग केले होते, त्यांनी अंदाजे १५० ते २०० लोकांसाठी पार्टी आयोजित करण्याबद्दल सांगितले होते. चर्चेनंतर बुकिंग निश्चित झाले.

सीजेपीचे नेते आणि समर्थक पार्टीला उपस्थित   (Sonam Wangchuk on CJP celebration )

हॉटेल बुक झाल्यानंतर, हॉटेलच्या कर्मचाऱ्यांनी सर्व तयारी सुरू केली. हॉटेल व्यवस्थापकाने सांगितले की, पाहुणे संध्याकाळी ६:१५ च्या सुमारास येऊ लागले. सुरुवातीला, हॉटेलच्या कर्मचाऱ्यांनी कोणालाही ओळखले नाही, पण नंतर, काही चेहरे ओळखल्यावर त्यांच्या लक्षात आले की ही सीजेपीची पार्टी आहे. अनेक नेते आणि समर्थक उपस्थित होते.

Shocking Video of Dance & celebration at some big hotel by CJP members after Pradhan Resignation.

Look at these Frauds.

Remember these elites didn’t suffered single Lathicharge & tears gas.

While many poor students paid from their pocket & also got wounds.

Fraud CJP pic.twitter.com/kDEQM02vEu

— Dear Men (@Dear_Men_Life) July 26, 2026

व्यवस्थापकाने पार्टीच्या मेनू आणि मद्याबद्दल काय सांगितले?  (Sonam Wangchuk on CJP celebration )

हॉटेल व्यवस्थापकाने सांगितले की, ही काही विशेष आलिशान किंवा थीम असलेली पार्टी नव्हती, तर एका सामान्य डिनर पार्टीचा मेनू अगदी साधारण होता. त्यांनी सांगितले की पाहुण्यांना रोटी, भात, डाळ आणि पनीर दिले गेले. संपूर्ण जेवण शाकाहारी होते. पार्टीमध्ये मद्य दिले गेले नाही. हॉटेल व्यवस्थापकाने सांगितले की, पार्टीमध्ये डीजे होता. जेवण आणि संगीत दोन्हीही अगदी मर्यादित होते.

व्हिडिओवर  प्रश्न उपस्थित   (Sonam Wangchuk on CJP celebration )

हे लक्षात घ्यायला हवे की, जेव्हा या पार्टीचा व्हिडिओ सोशल मीडियावर व्हायरल झाला, तेव्हा चर्चेला सुरुवात झाली. भाजपने या व्हिडिओवर आक्षेप घेतला. सर्वोच्च न्यायालयाचे ज्येष्ठ वकील महेश जेठमलानी यांनी सीजेपी नेतृत्वावर निशाणा साधला. ते म्हणाले की, दिल्लीत अनेक दिवसांपासून हिंसाचार सुरू असताना सीजेपी नेतृत्व एका हॉटेलमध्ये विजयोत्सव साजरा करत होते आणि त्यानंतर तथाकथित तरुण कार्यकर्त्यांनी संगीत लावून नाचायला सुरुवात केली.

सोनम वांगचुक नेमकं काय म्हणाले?  (Sonam Wangchuk on CJP celebration )

सोनम वांगचुक( Sonam Wangchuk ) यांनीही या व्हिडिओवर प्रतिक्रिया दिली. ते म्हणाले की, सीजेपी नेते आणि समर्थकांनी कोणताही उत्सव “सन्मान, संयम आणि जबाबदारीने” साजरा करावा, असे आवाहन मी करू इच्छितो. त्यांनी पुढे म्हटले की, यश मिळवण्याइतकेच आदर आणि नम्रता राखणे महत्त्वाचे आहे.

सीजेपीच्या आंदोलनात सहभागी असलेल्या आंदोलकांवर मुंबई पोलिसांची कारवाई सुरूच, तपास थांबवला जाणार नाही, असे अधिकाऱ्यांनी सांगितले.

दिल्लीतील जंतर मंतर येथे जवळपास ३६ दिवस चाललेल्या कॉकरोच जनता पार्टीच्या (सीजेपी) आंदोलनात सहभागी झालेल्या आंदोलकांविरुद्ध मुंबई पोलीस आपली कारवाई सुरूच ठेवत आहेत. सर्व आंदोलकांवरील खटले मागे घेतले जातील, असे केंद्र सरकारने सीजेपीला आश्वासन दिले असूनही ही कारवाई केली जात आहे.

मात्र, सोमवारी  मुंबई पोलिसांनी गेल्या आठवड्यापर्यंत सीजेपीच्या आंदोलनात सहभागी झालेल्यांना नोटीस बजावली आणि त्यांचे जबाब नोंदवणे सुरू ठेवले. तपास थांबवण्याबाबत आपल्याला कोणतेही निर्देश मिळालेले नाहीत, असे मुंबई पोलीस अधिकाऱ्यांचे म्हणणे आहे.