Sonali Bendre  : गेल्या काही महिन्यांपूर्वी महाराष्ट्र नवनिर्माण सेनेच्या वतीने मुंबईतील शिवाजी पार्क मैदानात अभिजात मराठी भाषा गौरव दिनाचा कार्यक्रम आयोजित करण्यात आला होता. या कार्यक्रमाल कला क्षेत्रासह विविध मान्यवरांनी उपस्थिती दर्शवली होती.

हिंदी सिनेसृष्टीत नावाजलेली अभिनेत्री सोनाली बेंद्रे हिला देखील या कार्यक्रमाचे निमंत्रण देण्यात आले होते. ते या कार्यक्रमाला आवूर्जून उपस्थित राहिली होती. तब्बल ३० वर्षांनंतर या कार्यक्रमाच्या निमित्ताने राज ठाकरे आणि सोनाली बेंद्रे भेटले. या कार्यक्रमातील सोनाली बेंद्रेचा एक व्हिडिओ सोशल मीडियावर व्हायरल झाला होता. यावर आता अभिनेत्री सोनाली बेंद्रेने राज ठाकरे यांच्या नात्यावर मौन सोडले आहे.

नुकतीच सोनालीने एएनआयला मुलाखत दिली. या मुलाखती दरम्यान व्हायरल झालेल्या व्हिडिओबाबत आणि राज ठाकरे यांच्या नात्याबाबत विचारला तिला प्रश्न विचारण्यात आला. या मुलाखतीत राज ठाकरेंसोबतच्या संबंधांवर सोनाली बेंद्रेने मौन सोडत स्पष्टपणे उत्तर दिले. काय खरेच,  मला तर शंका आहे. व्हिडीओबाबत बोलायचे झाले तर मी माझ्या बहिणीसोबत बोलत होती, जी तिथेच उभी होती. मला माहिती नाही. जेव्हा लोक अशाप्रकारे बोलत असतात तेव्हा ते चांगले वाटत नाही, अशी खंत तिने व्हायरल झालेल्या व्हिडिओवर व्यक्त केली.

EP-305 | Sonali Bendre on Salman Khan, Raj Thackeray, Politics, Battle with Cancer & Her New Book#anipodcastwithsmitaprakash #sonalibendre #bollywood

Premiering now: https://t.co/p77CG7jNVr

— ANI (@ANI) June 7, 2025

10 दिवस मला त्यांच्याकडे ठेवले होते

आमचे ठाकरे कुटुंबाशी गेली अनेक दशके नाते आहे. राज ठाकरेंच्या पत्नी शर्मिला ठाकरे, त्यांची सासू आणि माझी मावशी सर्व चांगल्या मैत्रिणी होत्या. शर्मिला ठाकरे यांच्या आईने 10 दिवस मला त्यांच्याकडे ठेवले होते, कारण ती माझ्या आईची छोटी बहीण होती, असे सोनाली बेंद्रेने आठवणींना उजाळा दिला.

हिंदी सिनेसृष्टीत ९० च्या दशकात अभिनेत्री सोनाली बेंद्रे हिला खूप नावालोकिक मिळाले. त्यावेळी सोनाली बेंद्रे हिचे महाराष्ट्र नवनिर्माण सेनेचे प्रमुख राज ठाकरे यांच्यासोबत नाव जोडले गेले होते. १९९६ मध्ये मायकल जॅक्शन पहिल्यांदा मुंबईत कार्यक्रमासाठी आला होता. त्यावेळी मुंबई विमानतळावर सोनाली बेंद्रे आणि राज ठाकरे एकत्र दिसून आले होते. त्यावेळी मोठ्या प्रमाणावर गॅासिप केले जात होते. मात्र, तब्बल ३० वर्षानंतर राज ठाकरे यांच्या महाराष्ट्र नवनिर्माण सेनेच्या अभिजात मराठी भाषा या कार्यक्रमासाठी सोनाली बेंद्रे उपस्थित राहिली होती.

हेही वाचाः“१०% कर रद्द करा आणि ९ जुलैपासून…” ; भारताची ट्रम्प प्रशासनाकडे मोठी मागणी